කොළඹ කුණු දුම්රියෙන් පුත්තලමට

කොළඹ කුණු දුම්රියෙන් පුත්තලමට
-කොළඹ පුරපති

කොළඹ නගර සභාවේ එක්රැස්වන කසළ දුම්රිය මාර්ගයෙන් පුත්තලම අරුක්කාල් ප්‍රදේශයේ හිස් භූමියකට ගෙනයාම සදහා කටයුතු කරන බව කොළඹ මහ නගර සභාවේ නගරාධිපති ඒ.ජේ.එම් මුසම්මිල් මහතා රිවිරට පැවසීය.
කසළ පුත්තලමට ගෙන යාමේදී කසළ හුවමාරු මධ්‍යස්ථානයක් ලෙස බ්ලූමැන්ඩල් කසළ කන්ද ප්‍රදේශය භාවිත කිරීමට පියවර ගන්නා බව නගරාධිපතිවරයා සදහන් කළේය.
ඒ අනුව ඉදිරියේදී මීනාතොටමුල්ල කසළ කන්දට කොළඹ නගරයේ එක්රැස් වන කසළ දැමීම සම්පූර්ණයෙන් නතර කරන බවත් එම කසළ කන්ද ආශ්‍රිතව ජීවත් වන පවුල් 300 සදහා නිවාස 300ක් ලබාදීමට අවශ්‍ය ප්‍රතිපාදන නගර සභාවෙන් වෙන් කිීරීමට තීරණය කළ බවත් නගරාධිපතිවරයා පැවසීය.
බ්ලූමැන්ඩල් ප්‍රදේශයේ එක් රැස් වී ඇති දිරාගිය කසළ කැලණිය පන්සල් භූමියේ ඉඩමකට දැමීමටද තීරණය කර ඇති බවත් නගරාධිපතිවරයා වැඩිදුරටත් සදහන් කළේය.

පෙම්වතා ඉදිරියේම ගිනි තබාගෙන තරුණිය දිවිනසා ගනී

පෙම්වතා ඉදිරියේම ගිනි තබාගෙන තරුණිය  දිවිනසා ගනී

විවාහ නොවී තරුණයෙකු  සමග අඹුසැමි ඇසුරක් පැවැත්වූ තරුණියක් තම සිරුරට ගිනි තබාගෙන මියගොස් ඇත.
මියගොස් ඇත්තේ හලාවත තාලඩිවැල්ල පදිංචිව  සිටි සුකුමාලි රසිකා විනෝදනී (17) නම්වූ තරුණියකි.  
ඉකුත් 24 වැනිදා පෙරවරුවේ මෙම තරුණිය තමා ඇසුරු කළ පෙම්වතා ඉදිරියේ තමන්ගේ සිරුරට ගිනි තබාගෙන ඇති අතර පසුව ඇය  හලාවත මහ රෝහලට ඇතුළත් කර ඇත.  25 වැනිදා අලූයම ඇය මියගොස් ඇත.
මියගොස් ඇති තරුණියගේ මරණය සම්බන්ධයෙන් වූ පශ්චාත් මරණ පරීක්ෂණය හලාවත මහ රෝහලේ අධිකරණ වෛද්‍ය නිලධාරී ඩී. කේ.  විෙජ්වර්ධන මහතා විසින් පවත්වන ලදී.  සිරුරට ගිනි ඇවිලීම නිසා ඇතිවූ දැඩි පිළිස්සුම් තුවාල සහ අධික කම්පනය හේතුවෙන් මෙම මරණය සිදුවී ඇති බව අධිකරණ වෛද්‍ය නිලධාරීවරයාගේ නිගමන විය.
හදිසි මරණ පරීක්ෂණය හලාවත නාගරික හදිසි මරණ පරීක්ෂක ඩී.  සිසිර කුමාර විෙජ්තුංග මහතා ඉදිරියේ පැවැත්වුණි.
මියගොස් ඇති තරුණිය දංකොටුව ප්‍රදේශයේ් ඇගලූම් කර්මාන්ත ශාලවක සේවය කරන තරුණියෙකු සමග ප්‍රේම  සම්බන්ධතාවයක් පවත්වාගෙන ගොස් ඇත.  දෙදෙනා විවාහ නොවුවත් පසුගිය මාස 8ක කාලයක් තිස්සේ ඔවුන් අඹුසැමි  ඇසුරක් පවත්වමින් තරුණියගේ නිවසේ ජීවත් වී ඇත.

සයිබර් අපරාධ මැඩලීමට නව නීති : රජය තීරණය කරයි

සයිබර් අපරාධ මැඩලීමට නව නීති : රජය තීරණය කරයි

සයිබර් අපරාධ මැඩලීම සඳහා නව නීති ගෙන ඒමට රජය තීරණය කර ඇත.
ඒ සඳහා 2011 සයිබර් අපරාධ පිළිබඳ යුරෝපා සභා සම්මුතියට (බුඩා පේස්ට් සම්මුතියට) අත්සන් කිරීමටද රජය තීරණය කර තිබේ.
ජපානය, ඕස්ටේ්‍රලියාව යන රටවල් ද යුරෝපා රටවල් 50 කට වැඩි සංඛ්‍යාවක් හා ඇමෙරිකාව හා බ්්‍රතාන්‍යය ද දැනටමත් මෙම සම්මුතිය පිළිගෙන ඇත.
සයිබර් අපරාධ මැඩලීම සඳහා ජාත්‍යන්තර සහාය ලබා ගැනීමත් නෛතික හා ආයතනික පදනමක් සලසා ගැනීමත් මෙම සම්මුතියට අත්සන් තැබීමේ අරමුණ වේ.

වනෝද්‍යාන ප්‍රවේශ ගාස්තු වැඩි කරයි

වනෝද්‍යාන ප්‍රවේශ ගාස්තු වැඩි කරයි

ජාතික වනෝද්‍යාන වලට ඇතුළුවන දේශීය හා විදේශීය සංචාරකයින් සඳහා නව ගාස්තු ක්‍රමයක් හදුන්වා දීමට වනජීවී සම්පත් සංවර්ධන අමාත්‍යංශය තීරණය කර ඇත. ඒ අනුව, ජාතික වනෝද්‍යාන වලට ඇතුළුවීම සඳහා නවතම අවසර පත්‍රයක් නිකුත් කිරීමටත්, බදු, වාහන ගාස්තු හා සේවා ගාස්තුද ඇතුළත් කර, නිශ්චිත ගාස්තුවක් නියම කිරීමටත්, අමාත්‍යාංශය තීරණය කර තිබේ.
ඒ අනුව යාල ජාතික වනෝද්‍යානයට ඇතුළුවන දේශීය හා විදේශීය සංචාරකයින්ගෙන්, උපරිමය දස දෙනෙකුගෙන් යුත් කණ්ඩායමක් සඳහා රුපියල් 3000 ක ගාස්තුවක්ද, වැඩිවන එක් අයකු සඳහා රුපියල් 300 කද ගාස්තුවක් අය කෙරේ.
ශ්‍රීපාදස්ථානය වන්දනා කිරීමට යන විදේශීය වැඩිහිටියකුගෙන් ඇමරිකානු ඩොලර් 10 කද, ළමයකුගෙන් ඩොලර් 5 කද ගාස්තුවක් අය කෙරේ. මීට අමතරව, සංචාරක නිවාස වෙන් කිරීමේ ගාස්තු හා බෝට්ටු සවාරි සඳහා අය කෙරෙන ගාස්තුද වැඩි කර ඇත.

පෞද්ගලික බස්රථවලට මගීන් සිටියදී ඉන්ධන ලබාගැනීමට බෑ

පෞද්ගලික බස්රථවලට මගීන් සිටියදී ඉන්ධන ලබාගැනීමට බෑ
-ජනතාවට පැමිණිලි කළ හැකියි

මගීන්ද සහිතව ඉන්ධනහල්වලින් තම බස්රථවලට ඉන්ධන සපයා ගන්නා පෞද්ගලික බස්රථ හිමියන්ට එරෙහිව දැඩි ලෙස නීතිය කි්‍රයාත්මක කිරීමට මගී ප්‍රවාහන අධිකාරිය පියවර ගෙන තිබේ.
මේ පිළිබද බස්රථ රියැදුරන් දැනුවත් කර ඇති බව එහි නියෝජ්‍ය සාමාන්‍යාධිකාරී (ධාවන) අජිත් රංජිත් මහතා පවසා ඇති බව රජයේ ප්‍රවෘත්ති දෙපාර්තමේන්තුව පවසයි.
ඕනෑම මගියෙකුට වැරදි කරන පෞද්ගලික බස්රථ රියැදුරන් පිළිබද දුරකතන අංක 0115-559595 න් හෝ 0112-871352 න් හෝ පැමිණිලි කළ හැකිය.

බාහිර උපාධි විභාගය විශ්වවිද්‍යාලවලින් ගැලවෙයි

බාහිර උපාධි විභාගය විශ්වවිද්‍යාලවලින් ගැලවෙයි
බාහිර උපාධි විභාගය විභාග දෙපාර්තමේන්තුවෙන්
බාහිර උපාධියේ ගුණාත්මකභාවය අඩුවෙලා
උසස් අධ්‍යාපන අමාත්‍ය එස්.බී දිසානායක

බාහිර උපාධි අපේක්ෂකයන්ට ලබාදෙන උපාධියට ගුණාත්මකභාවයක් ඇති කිරීම සදහා මින් ඉදිරියට බාහිර උපාධිය පිරිනැමීම සදහා පවත්වන විභාගය විශ්වවිද්‍යාල ප්‍රතිපාදන කොමිසම විසින් පත්කරන කමිටුවක නිර්දේශයට අනුව විභාග දෙපාර්තමේන්තුව විසින් සිදු කරන බව උසස් අධ්‍යාපන අමාත්‍ය එස්.බී දිසානායක මහතා සදහන් කළේය.
මෙතෙක් බාහිර උපාධි පිරිනැමීම සිදුකරනු ලැබුවේ විශ්වවිදයා අචාර්යවරයෙකු විසින් ඉගැන්වීම් කටයුතු සිදුකර,ඔහු විසින්ම ප්‍රශ්න පත්‍රය සකස් කර,ඔහු විසින්ම ප්‍රශ්න පත්‍රය බලා ලකුණු ලබාදීම මගින් බවද ඒ මහතා පවසා සිටියේය.
මේ නිසා බාහිර උපාධිධාරී අපේක්ෂකයන් ලබාගන්නා උපාධිය ගුණාත්මකභාවයක් නොමැති තත්ත්වයකට පත්වූ බවත්,එහෙත් එවැනි පිරිසක් රටතුළ බිහිකර ගැනීමට කිසිදු අවශ්‍යතාවයක් නොමැති බවත් අමාත්‍යවරයා සදහන් කළේය.
මහින්ද චින්තන ප්‍රතිපත්තියට අනුවද දැනුමෙන් සන්නද්ධ පිරිස් බිහි කිරීම එකම අභිලාෂය බවත්,මේ නිසා බාහිර උපාධි අපේක්ෂකයන් ලෙස සියලූ දෙනාම ලියාපදිංචි කරගත්තද මෙම ක්‍රමවේදයට විභාග පවත්වා උපාධි පිරිනැමීම ඉදිරියේදී සිදුවන බවත්,අමාත්‍යවරයා පවසා සිටියේය.
පසුගිය කාලයේ බාහිර උපාධිය ලබාගත් බොහෝ පිරිසක් ගුරු විභාග වලට මුහුණ දී තිඛෙන බවත්,එම විභාග වලින් වැඩි වශයෙන් අසමත් වී තිඛෙන්නේද බාහිර උපාධිධාරීන් බවත් අමාත්‍යවරයා සදහන් කළේය.බාහිර උපාධියක් ලබාගැනීමට අමතරව මේ රටතුළ ජීවත්වන ඕනෑම දරුවෙකුට කාර්මික අංශයෙන් උසස් අධ්‍යාපන ආයතන මට්ටමින් උපාධියත්,ඉන් ඉහළට තිඛෙන විශේෂ උපාධි ලබා ගැනීමටත් අවස්ථාව ලබාදී තිඛෙන බවද,අමාත්‍යවරයා වැඩිදුරටත් කියා සිටියේය.

භික්ෂූන් වහන්සේලාට රක්ෂණ ක්‍රමයක්

භික්ෂූන් වහන්සේලාට රක්ෂණ ක්‍රමයක්

දිවයින පුරා පිහිටි විහාරස්ථාන වල වැඩසිටින භික්ෂූන් වහන්සේලා උදෙසා රක්ෂණ ක්‍රමයක් කි්‍රයාත්මක කිරීමට බුද්ධ ශාසන අමාත්‍යංශය කටයුතු යොදා ඇත.
මෙම රක්ෂණ ක්‍රමය යටතේ භික්ෂූන් වහන්සේ නමක් හදිසි අනතුරකට භාජනය වීම වෙනත් රෝග පීඩාවන්ට ගොදුරුවීම හා අපවත්වීමකදී එම රක්ෂණ මුදල් ලබාදීමට කටයුතු සිදුකරන ලෙස අග්‍රාමාත්‍ය හා බුද්ධ ශාසන හා ආගමික කටයුතු අමාත්‍ය දි.මු ජයරත්න මහතා උපදෙස් දුන් බව බුද්ධ ශාසන හා ආගමික කටයුතු අමාත්‍යංශයේ ලේකම් එම්.කේ.පී දිසානායක මහතා  පැවසුවේය.

ජයලලිතා ඊළම යෝජනා කරයි

ජයලලිතා ඊළම යෝජනා කරයි

ශ්‍රී ලංකාව තුළ වෙනම ඊළාම් රාජ්‍යයක් ගොඩනැගීම සදහා වන යෝජනාවක් තමිල්නාඩු මහ ඇමතිනී ජයලලිතා ජයරාම් ඇයගේ මැතිවරණ ප්‍රතිපත්ති ප්‍රකාශනයට ඇතුළත් කර ඇත.
මාධ්‍ය වාර්තා කළේ මෙම ඊළාම් රාජ්‍ය ගොඩනැගීම සදහා ජනමත විචාරණයක් පැවැත්විය යුතු බවටද එහි සදහන් වේ.
එම ජනමත විචාරණයට ශ්‍රී ලාංකේය දෙමළ ජනතාව සහ ලොව පුරා අවතැන්වී සිටින දෙමළ ජනතාව යොදා ගතයුතු බවද ජයලලිතා ප්‍රකාශ කර ඇති බව ඉන්දීය තානාපති ආරංචි මාර්ග සදහන් කරයි.
ඇයගේ මෙම යෝජනාව එක්සත් ජාතීන්ගේ සංවිධානය වෙතද ඉදිරිපත් කිරීමට සූදානම් වාර්තා වේ.
ශ්‍රී ලාංකේයදෙමළ ජනතාවට යුක්තිය ඉටු කිරීමක් ලෙස ජයලලිතා මෙම යෝජනාව හ`දුන්වා දී ඇත.

බැංකුවේ යතුරෙන්ම දොර ඇර ඇතුළු වී

බැංකුවේ යතුරෙන්ම දොර ඇර ඇතුළු වී සේප්පුව කපන්න හදලා

අම්බලන්ගොඩ රාජ්‍ය බැංකුවකට හොරු ආවේ වෙල්ඩින් ලාම්පුවකුත් අරන්

අම්බලන්ගොඩ නගරයේ රාජ්‍ය බැංකුවකට ඇතුළු වූ කොල්ලකරුවන් පිරිසක් වෙල්ඩින් ලාම්පුවක් යොදාගෙන එහි යකඩ සේප්පුව කැපීමට උත්සාහ දරා ඇති බව හෙළි වී තිබේ.
මෙම වෙල්ඩින් ලාම්පුව සහ එය ක්‍රියාත්මක කරවීමට යොදා ගත් ගෑස් සිලින්ඩරය බැංකුවේ කාමරයක සඟවා තිබීයදී බැංකුව ඇතුළත පිරිසිදු කිරීමේ යෙදී සිටි සේවකයන්ට හමු වී ඇත්තේ පසුගිය 22 වැනිදාය. මේ පිළිබඳව අම්බලන්ගොඩ පොලීසියට දැනුම් දීමෙන් පසුව පොලීසිය එහි පැමිණ පරීක්ෂණ ආරම්භ කර ඇත.
යකඩ සේප්පුව කැපීම සඳහා කොල්ලකරුවන් බැංකුවට ඇතුළු වී ඇත්තේ බැංකුවේම යතුරු පාවිච්චි කිරීමෙන් බවද පරීඬණවලදී හෙළි වී තිබේ. මේ අනුව කොල්ලකරුවන්ට බැංකුව ඇතුළෙන් සහායක් ලැඛෙන්නට ඇති බවට පොලීසිය සැක කරයි.
මෙම සිද්ධිය සම්බන්ධයෙන් පරීඬණ පැවැත්වීම සඳහා ගාල්ල දිශාව භාර නියෝජ්‍ය පොලිස්පති ගාමිණී මතුරට, අම්බලන්ගොඩ මූලස්ථාන ප්‍රධාන පොලිස් පරීඬක නිරෝෂන් රූපසිංහ අපරාධ අංශයේ ස්ථානාධිපති පොලිස් පරීඬක දමිත් ජයතිලක යන මහත්වරුන් ඇතුළු පොලිස් කණ්ඩායමක් බැංකුවට පැමිණ සිටියහ.

වල්ලපට්ට ශාකය ආරක්ෂිත ශාකයක් බවට නම් කරන්න

වල්ලපට්ට ශාකය ආරක්ෂිත ශාකයක් බවට නම් කරන්න

වල්ලපට්ට ශාකය පරිසරයෙන් ඉවත් කිරීමට කටයුතු කරන පිරිස් පොලීසිය විසින් අත්අඩංගුවට ගැනීමට කටයුතු කළත්, එම ශාකය ආරක්ෂිත ශාකයක් ලෙස නම් කිරීමට බලධාරීන් මෙතෙක් කටයුතු කර නොමැති බවත්, මේ නිසා වල්ලපට්ටා ජාවාරම්කරුවන් වෙනුවෙන් ක්‍රියාත්මක වන්නේ වන සංරක්ෂණ ආඥා පනතේ පවතින විΩධිවිධානවලට අනුව පමණක් බවත් දේශීය වනාන්තර සුරැකීමේ සංගමය සඳහන් කරයි.
වල්ලපට්ට ශාකය ආරක්ෂිත ශාකයක් ලෙස නම් නොකළත්, 2012 වසරේ නිකුත් කළ රතු දත්ත ලේඛනයට අනුව වඳ වී යාමේ අවදානමට ලක් වී ඇති ශාකයක් ලෙස නම් වී තිඛෙන බවද එම සංගමයේ සභාපති අතික් නසීර් මහතා සඳහන් කළේය.
මෙලෙස අනාරක්ෂිත තත්ත්වයට පත් වී ඇති ශාකය රැකගැනීමට වගකිවයුත්තන් කිසිදු වැඩපිළිවෙළක් සකස් කර නොමැති බවත්, මේ නිසා වල්ලපට්ට ශාකය යැයි වරදවා තේරුම්ගෙන මෙම ශාකයට සමාන ශාකද විනාශ කර දමමින් තිඛෙන බවත් හෙතෙම පවසා සිටියේය.

මෙරට මහේස්ත්‍රාත් අධිකරණයක ප්‍රථම වතාවට Skype තාඬණය ඔස්සේ සාක්ෂියක් මෙහෙයවීමට යයි

මෙරට මහේස්ත්‍රාත් අධිකරණයක ප්‍රථම වතාවට Skype තාඬණය ඔස්සේ සාක්ෂියක් මෙහෙයවීමට යයි

මෙරට මහේස්ත්‍රාත් අධිකරණය මෙහෙයවන අපරාධ නඩුවක් සම්බන්ධයෙන් ප්‍රථම වතාවට ඉතාලි ජාතික සාක්ෂිකාරිනියකගේ සාක්ෂි සිකයිප් ඔස්සේ මෙහෙයවීමට කොළඹ කොටුව මහේස්ත්‍රාත් තිළිණ ගමගේ මහතා පොලීසියට අවසර ලබා දී තිබේ.
ඒ අනුව ඉතාලි ජාතික කාන්තාවක් 2011 වසරේදී මෙරට හෝටලයක රැදී සිටියදී ඇයට අයත් ඇමෙරිකානු ඩොලර් 700 ක මුදලක් සොරාගත්තේ යැයි කියන සිද්ධියක් සම්බන්ධයෙන් මෙම ඉතාලි ජාතික පැමිණිලිකාරියගේ සාක්ෂිය මාර්තු මස 14 දා skype තාක්ෂණය ඔස්සේ අධිකරණයේදී මෙහෙයවීමට නියමිතය.
මෙම සාක්ෂි මෙහෙයවීම කොළඹ විශ්ව විද්‍යාලයේ පරිගණක අධ්‍යාපන ආයතනයේ තාක්ෂණික නිළධාරියකුගේ ස්වාධීන නිරීක්ෂණය මත සිදුවිය යුතු බවටද මහේස්ත්‍රාත්වරයා නිර්දේශ කළේය.
ෆ්‍රැන්සිස්කා ඩයිඩා නමැති ඉතාලි ජාතික කාන්තාව දැනට මෙරට වාසය නොකරන බවත්, ඇයට මෙම නඩුව සඳහා මෙරටට පැමිණීමේ ප්‍රායෝගික අපහසුතා ඇති බවට පොලීසියට දන්වා ඇති බැවින් මේ සඳහා වන සාක්ෂි විමසීම — ස්කයිප්  තාක්ෂණය ඔස්සේ සිදුකරන ලෙසට කොටුව පොලීසිය අධිකරණයෙන් අයැද සිටියේය.

මාරාන්තික ඩිස්ටෙම්පර් රෝගය බස්නාහිර සුනඛයන්ට පැතිරේ

මාරාන්තික ඩිස්ටෙම්පර් රෝගය බස්නාහිර සුනඛයන්ට පැතිරේ
බෝවන්නේ සුළග මගින්

සුනඛයන්ට මාරාන්තික රෝගයක් වන ඩිස්ටෙම්පර් වෛරසය බස්නාහිර පළාත තුළ පැතිර යාම හේතුවෙන් සුනඛයන් විශාල සංඛ්‍යාවක් මියයාමේ අවදානමක් පවතින බව පශ වෛද්‍ය අනුර දිසානායක මහතා රිවිරට පැවසීය.

Canine Distemper වෛරසය මගින් ආසාදනය වන මෙම රෝගය හේතුවෙන් සුනඛයන්ගේ පසුපස ප්‍රදේශය අප්‍රාණික වන අතර මේ හේතුවෙන් සුනඛයන් මිය යාම හෝ ජීවිත කාලය පුරා පසුපස ප්‍රදේශය අප්‍රාණික වන බව අනුර දිසානායක මහතා පෙන්වා දුන්නේය.
මේ වනවිට මෙම වෛරසය අතුරුගිරය, කොට්ටාව, ගොඩගම, හෝමාගම, බෝපේ, බියගම,පන්නිපිටිය,කළුතර,ගම්පහ ඇතුළු ප්‍රදේශ ගණනාවක අධික ලෙස පැතිර යමින් තිබේ.
වෛරසය සුළග මගින් පැතිරී යන අතර අසාදිත සුනඛයන්ගෙන් පිටවන දේහ තරල සහ ශ්‍රාවය වන කෙල,සොටු දියර,කබ මගින් තවත් සුනඛයෙකුට අසාදනය විය හැක.

නුගේගොඩ ව්‍යාපාරික ඝාතනයට ෆේස්බුක් මිතුරා ඇතුළු තිදෙනෙක් දැලේ

නුගේගොඩ ව්‍යාපාරික ඝාතනයට ෆේස්බුක් මිතුරා ඇතුළු තිදෙනෙක් දැලේ

නුගේගොඩ නවල්ටි ආයතනයේ අධිපති ප්‍රසිද්ධ ව්‍යාපාරික සරත් කුමාර හේවාගම මහතාගේ අභිරහස් ඝාතනයට සම්බන්ධව සැකපිට ඔහු සමග ෆේස්බුක් වෙබ් අඩවිය හරහා සමීප පුද්ගලයෙකු ඇතුළු තිදෙනෙක් ඊයේ (24දා) මිරිහාන විශේෂ අපරාධ විමර්ශන මෙහෙයුම් ඒකකය මගින් අත්අඩංගුවට ගෙන තිබේ.
ෆේස්බුක් සමාජ වෙබ් අඩවියෙහි පවත්වාගෙන ගිය අසම්මත ඇසුරක් නිසාවෙන් මෙම ඝාතනය සිදුවී ඇති බවද පොලිසිය සදහන් කරයි.
නුගේගොඩ ප්‍රදේශයේ පදිංචි සරත් කුමාර මහතා සිය දෙමහල් නිවාස තුළදී ඉකුත් ජනවාරි 17 වැනිදා රාති්‍රයේ අබිරහස් ලෙස ඝාතනය කර තිබුණි.
පසුව ඒ ඝාතනය පිළිබද මිරිහාන විශේෂ අපරාධ මෙහෙයුම් ඒකකය මගින් විමර්ශනයක් ආරම්භ කළ අතර ඝාතනයට ලක්වූ සරත් කුමාර මහතා ෆේස්බුක් හරහා සමීප සබදතාවක් පැවැත්වූ මොරටුව ප්‍රදේශයේ ත්‍රිරෝද රථ රියදුරෙකු පිළිබදව පොලිසිය විසින් අනාවරණය කරගෙන තිබුණි.
මධුෂාන් ප්‍රනාන්දු (29) නැමති තරුණයෙකු වූ සරත් කුමාර මහතා සමග අසම්මත ඇසුරක් පවත්වා තිබූ බව පොලීසිය පවසයි.ඒ මහතා ඝාතනයට ලක්වීමට දෙසතියකට පමණ ඉහතදී ෆේස්බුක් හරහා මොවුන් දෙදෙනා සුහද වී ඇති අතර පසුව එම සබදතාව අසම්මත ඇසුරක් දක්වා වර්ධනය වී තිබූ බව පොලීසිය පවසයි.

දුටුගැමුණු මැරුණා වගේ මැරෙන්න මම කැමති නෑ

හැමකෙනා ළගම අඩුපාඩු තියනවා මුහුණත් එක්ක තියන තරහට නහය කපා ගන්න යන්න එපා
ඇමති මර්වින් ළග තියාගෙන ඇමති බැසිල් කැලණි ජනතාවට කියයි
දුටුගැමුණු මැරුණා වගේ මැරෙන්න මම කැමති නෑ

මෙම රැස්වීම සංවිධානය කළේ කැලණිය ප්‍රාදේශීය සභාවේ රාජු මන්ත්‍රීතුමා ඇතුළු මගේ හිතවත් මන්ත්‍රීවරු සතර දෙනා.පෑලියගොඩ නගරාධිපති අමිල නිශාන්ත ඇතුළු එම මන්ත්‍රී කණ්ඩායම මගේ හිතවතුන්.
මම දැන් සංවර්ධන මාවතක දෙවැනි පියවර  තියලා තියෙන්නේ අවුරුද්දයි මාස 2කට පස්සේ.
දැන් මහ වර්ෂාවකුත් වැස්සා.ඒත් මුචලින්ද නාගරාජයා බුදුන්වහන්සේට වර්ෂාවෙන් ආරක්ෂාව දෙමින් වර්ෂාවේ තෙමි තෙමී සිටියා වගේ තමුන්නාසේලාත් වර්ෂාවෙන් තෙමි තෙමී සිටියා.එය තමයි මිනිසාගේ ලෙන්ගතුකම හිතවත්කම කියන්නේ.
කැලණිය ආසනයේ පුංචි වුවත් ලංකාවේ කවුරුත් ගරු කරන ආසනයක්,බුදුන් වහන්සේගේ පාද ස්පර්ශය ලැබූ පින් බිමක්.සිංහල,දෙමළ,මුස්ලිමි,බර්ගර්,මැලේ සියලූ ජාතීන් එකට එක්වී සිටින බිමක්.මාත් තමුන්නාන්සේලාගේ ප්‍රෙඪත්වය වෙනුවෙන් ඉන්න පිරිසිදු බෞද්ධ නායකයෙක්.
හුනුපිටිය ප්‍රදේශය කැලණිය ආසන්නයේ තවත් ප්‍රදේශයක්.හුනුපිටිය කාටවත් ලියලා දීලා නැහැ.හුනුපිටියත්මගේ කැලණියත් මගේ.මගේ ජනතාව මමයි නියෝජනය කරන්නේ.ශ්‍රීලනිපට සම්බන්ධ මගේ කියුම් කෙරුම් කියන්න අවශ්‍ය නැහැ.ඒවා දෙවුන්දර තුඩුවේ සිට පේදුරුතුඩුව දක්වා අය දන්නවා.
දැන් මට අවශ්‍ය වෙලා තියෙන්නේ තමුන්නාන්සේලාගේ යෝජනා ඉක්මන් කර එවන්න.ඒ වැඩ ටික කර දෙන්නයි මගේ අවශ්‍යතාවය.ඇයි මම එහෙම කියන්නේ දුටුගැමුණු මහරජතුමා රුවන්වැලි සෑය හදලා ඉවර කරන්න බැරිව අභාවප්‍රාප්ත වුණා.ඒ වගේ මැරෙන්න මම කැමති නැහැ.කැලණිය හදන්න ඕනෑ.වැඩිදියුණු කරන්න ඕනෑ.කැලණියේ දු දරුවන් ඉතාමත් ප්‍රාණවත් බුද්ධිමත් පිරිසක් ලෙස ශක්තිමත් කිරීමේ සිහිනය මගේ ළ`ග තියනවා.කැලණිය පරපුරේ අයෝමය ශක්තිය රටට පමණක් නොව මුළු ලෝකයටම පෙන්වීම අවශ්‍යයි.අපේ ජනාධිපතිතුමා සියලූ ජාතීන් සියලූ ආගම් සමග සහයෝගයෙන් කටයුතු කරන අයෙක්.වැරදි වැඩකරන අයෙක් නෙවෙයි.එම නිසා ජිනීවා සමුළුවට එතුමාගේ මයිලකටවත් අත තියන්න බැහැ.
බැසිල් රාජපක්ෂ මහතා ගම්පහ දිස්ති්‍රක්කයේ නායකයායි.එතුමා ඉතාමත් සාධාරණයි.එහෙම තමයි නායකයන් කතාකරන්න ඕනේ.
ජනතාවට වැඩ කරන්න බැරි දිය රෙද්දෙන් ඛෙල්ල කපන පහුගිය අවුරුදු කිහිපය තුළම සංවිධායකවරයාට කිසිම සහයෝගයක් නොදුන්,අඩුම තරමේ මේ මගේ වැඩ කරපන් කියලා උපදෙසක් දීමට බැරි වූ ජනතාවට කිට්ටු නොවූ ජතාවට බොරු කරපු තමන්ගේ මඩිය කරගත්තු මිනිස්සුන්ට ඡන්දය දෙන්න කියලා මට කියන්න බැහැ.මම කියන්නෙත් නැහැ.වැඩ කළ අයට කළගුණ සලකන්න අවශ්‍ය වූ නිසයි.

නොරොච්චෝලේ ඉංජිනේරු ගැටුමෙන්

නොරොච්චෝලේ ඉංජිනේරු ගැටුමෙන් බලාගාරයම අහිමිවීමේ අවදානමක්
ලංකා විදුලි සේවක සංගමය

නොරොච්චෝලේ බලාගාරයේ සිටින යාන්ත්‍රික ඉංජිනේරුවන් අබිබවා රාජකාරි බලය අල්ලා ගැනීමට විදුලි ඉංජිනේරුවන් කටයුතු කිරීම නිසා අනාගතයේ රටේ ජනතාවගෙන් හරි අඩකට විදුලිය සපයන බලාගාරයක් අහිමි වී යන බවත්,මේ නිසා මෙම ගැටලූව විස`දීමට බලධාරීන් වහාම මැදිහත් විය යුතු බවද,ලංකා විදුලි සේවක සංගමය සදහන් කරයි.
නොරොච්චෝලේ බලාගාරය කඩින්කඩ අක්‍රීය වීමට හේතු ලෙස ප්‍රමිතියකින් තොර උපකරණ ගැටලූව පෙන්වාදිය හැකි වුවත්,අද වනවිට බලාගාරය අක්‍රීය වීමට ප්‍රධාන හේතුව වී තිඛෙන්නේ දොස්තරගේ රාජකාරිය ඇටෙන්ඩන් විසින් කිරීමට යාමනිසා බවත් එම සංගමයේ ප්‍රධාන ලේකම් රංජිත් ජයලාල් මහතා සදහන් කළේය.
පොදුවේ ගත් කල බලාගාරය පාලනය කළයුතු වන්නේ යාන්ති්‍රක ඉංජිනේරුවන් වුවත්,වර්තමානය වනවිට බලාගාරය පාලනය කරන්නේ විදුලි ඉංජිනේරුවන් බවත්,මේ නිසා කණ්ඩායම් දෙක අතර යම් ගැටුමක් ඇතිවී තිඛෙන බවත් ඒ මහතා පවසා සිටියේය.
මෙම ගැටුමේ ප්‍රතිඵලය ලෙස බලාගාරය කඩින්කඩ අකි්‍රයවෙමින් තිඛෙන බවත්,මෙහි අවසාන ප්‍රතිඵලය වන්නේ ආණ්ඩුව විසින් බලාගාරය චීනුන්ට විකුණා දැමීම බවත් ප්‍රධාන ලේකම්වරයා සදහන් කළේය.
එදාට සිවිල්,විදුලි,යාන්ත්‍රික යන කිසිවෙකුටත් මෙම බලාගාරය තුළ රාජකාරි කටයුතු කිරීමට අවස්ථාවට නොලැබී යා හැකි බවත්,මීට අමතරව රටේ ජනතාවට මෙගාවොට් 900 ක බලාගාරයට අහිමි වී යන බවත් හෙතෙම කියා සිටියේය.
එයට හේතු වී තිඛෙන්නේ බලාගාරයේ සම්පූර්ණ වැඩ කටයුතු අවසන් වූ පසු මෙගා වොට් 900ක ධාරිතාවක් නිෂ්පාදනය වන නිසා බවත්,එය ආසන්න වශයෙන් රටේ විදුලි නිෂ්පාදනයෙන් හරි අඩකට ආසන්න බවත් රංජිත් ජයලාල් මහතා වැඩිදුරටත් සදහන් කළේය.

දේශීය සහල් කිලෝග්‍රෑම් ලක්ෂ 6ක් ප්‍රථමවරට අපනයනයට

දේශීය සහල් කිලෝග්‍රෑම් ලක්ෂ 6ක් ප්‍රථමවරට අපනයනයට

ඉපැරණි දේශීය සහල් කිලෝග්‍රෑම් ලක්ෂ හයක් (06) පමණ මේ වසරේදී ප්‍රථමවරට අපනයනය කිරීමට ශ්‍රී ලංකා මහවැලි අධිකාරිය සැලසුම්කර ඇත.
මේ අනුව ශ්‍රී ලංකා මහවැලි අධිකාරියට අයත්,මහවැලි සී කලාපයේ රත්කිද ගොවිපොළේ මෙවර 2019 මහ කන්නයේ වී අස්වනු නෙළීම ඊයේ (24දා) ආරම්භ කෙරිණ.
දේශීය වී වර්ගයක් වන සුව`දැල් මෙසේ වගාකර ඇති අතර,මෙම අස්වනු බීජ නිෂ්පාදනය සදහාද අපේක්ෂා කරන බවත්,සහල් ආනයනය කිරීම මෙහි මූලික අරමුණ බවත් නේවාසික ව්‍යාපාර කළමනාකරු අයි.එම්.යූ.කේ කුමාර මහතා zඅදZට පැවසීය.
මේ අතර එම බීජ වලින් 2014 යල කන්නයේ හෙක්ටයාර් (2500) ක පමණ පැරෂුට් ක්‍රමයට වගාකර දේශීය සහල් මෙටි්‍රක් ටොන් (10,000) ක් ආනයනය කිරීමට නියමිත බවද ඒ මහතා වැඩිදුරටත් කීය.

No Fire Zone ශ්‍රී ලංකාවේ ප්‍රදර්ශනයට මැක්රේ සූදානම්

No Fire Zone  ශ්‍රී ලංකාවේ ප්‍රදර්ශනයට මැක්රේ සූදානම්

ඉන්දියාව හා මැලේසියාව තුළ තම  No Fire Zone  චිත්‍රපටය අන්තර්ජාලය හරහා නිකුත් කළා සේම,ශ්‍රී ලංකාව හා නේපාලය තුළත් එය අන්තර්ජාලය හරහා නිකුත් කිරීමට කටයුතු කරන බව බි්‍රතාන්‍ය චිත්‍රපට අධ්‍යක්ෂ කැලම් මැක්රේ පවසයි.
ඉන්දියාව තුළ   No Fire Zone   චිත්‍රපටය මහජන ප්‍රදර්ශනය සදහා අවශ්‍ය අවසරය ලබාදෙන ලෙසට ඉල්ලීම් කළත්,ඉන්දියාව එයට අවසර නොදුන් අතර,නමුත් මැක්රේ තමිල්නාඩුව හා එක්ව පෙරේදා (23දා) ස්කයිප් හරහා චෙන්නායි නුවරදී අදාළ චිත්‍රපටය විකාශය කළේය.
මාර්තු මස තුන්වැනිදා ආරම්භ වන මානව හිමිකම් සමුළුවේදී ශ්‍රී ලංකාව පිළිබද හොද සූදානමකින් අනෙකුත් රටවල රාජ්‍ය තාන්ත්‍රිකයන්ට සමුළුවට අවතීර්ණ වීමට තම චිත්‍රපටය රුකුලක් වනු ඇතැයි මැක්රේ විශ්වාසයෙන් පසුවන බවද විදෙස් මාධ්‍ය වාර්තා කරයි.

තරුණියකගෙන් උම්මා එකක් ඉල්ලා රුපියල් 1500 ක් දඩ කයි

තරුණියකගෙන් උම්මා එකක් ඉල්ලා රුපියල් 1500 ක් දඩ කයි

වැලන්ටයින් දිනයේ කොළඹ ගාලූ මුවදොර පිටියේදී තරුණියකගෙන් -උම්මා එකක් ˜ (හාද්දක්) ඉල්ලූවේ යැයි කියන චෝදනාවකට වරද පිළිගත් තරුණයකුට කොළඹ කොටුව මහේස්ත්‍රාත් සහ අතිරේක දිසා විනිසුරු තිළිණ ගමගේ මහතා රුපියල් 1500 ක දඩයක් නියම කළේය .
මෙසේ දඩ නියම කෙරුණේ මහේෂ් චානක නමැත්තෙකුටය.
මෙම සිද්ධියේ පැමිණිලිකාර තරුණිය කොටුව පොලීසියට කර තිඛෙන පැමිණිල්ලට අනුව විත්තිකාර තරුණයා අධිකරණයට ඉදිරිපත් කළේ -උම්මා එකක් ˜ (හාද්දක්) ඉල්ලා තරුණියකට ලිංගික අතවරයක් කළේ යැයි කියන චෝදනාව මතය.

කුරුණෑගල සිසුවියගේ මරණය

කුරුණෑගල සිසුවියගේ මරණය
ෆේෂ්බුක් ඡායාරූපය නිර්මාණය සොයන්න විශේෂ පොලිස් පරීක්ෂණයක්

කුරුණෑගල ජෝන් කොතලාවල විද්‍යාලයේ ඉගෙනුම ලබමින් සිටි වෙනූෂා ඉමන්දි බණ්ඩාර සිසුවිය සිය දිවි නසා ගැනීමේ සිද්ධියට මුල් වූ එම ඡායාරූපය නිර්මාණය කර එය ෆේස් බුක් පිටුවට එක් කිරීම සිදු කළේ කවුද යන්න හෙළි කර ගැනීම සඳහා විශේෂ පරීක්ෂණයක් ආරම්භ කොට ඇති බව පොලිස් මාධ්‍ය ප්‍රකාශක ජ්‍යෙෂ්ඨ පොලිස් අධිකාරි අජිත් රෝහණ මහතා පැවසීය.
මෙම පරීක්ෂණයේදී සිසුවියගේ ඡායාරූපය සකස් කළේ කවුද එය ෆේස් බුක් පිටුවට මුදා හැරියේ කවුද යන්න අනාවරණය කරගත හැකි වනු ඇතැයිද පොලිස් මාධ්‍ය ප්‍රකාශකවරයා පැවසීය.
මෙම සිසුවියට මෙම සිද්ධිය මුල්කරගෙන පාසලේදී ඇති වූ බව කියන අපහසුතාවන් සම්බන්ධයෙන් පාසලේ 15 දෙනෙකුගෙන් පමණ ළමා ආරක්ෂක අධිකාරිය ප්‍රකාශ සටහන් කරගෙන ඇති බව ද පොලිස් මාධ්‍ය ප්‍රකාශකවරයා පැවසීය.

සිකුරාදා හිරගෙදරට යන රැදවියන් සදුදා ඇප තබා එළියට යනවිට බැංකු ගිණුමේ විශාල මුදලක්

සිකුරාදා හිරගෙදරට යන රැදවියන් සදුදා ඇප තබා එළියට යනවිට බැංකු ගිණුමේ විශාල මුදලක්

සිකුරාදා දිනයේදී කිසියම් වැරැද්දකට බන්ධනාගාරගත වෙමින් සදුදා දිනයේ ඇප තබා එළියට යන කණ්ඩායම් පිළිබද තොරතුරු හෙළිදරව් වී තිබේ.
ඔවුන් සුළු වරදවල් කරමින් අධිකරණය හරහා සිකුරාදා දිනයේ බන්ධනාගාරගත වන අතර සෙනසුරාදා සහ ඉරිදා දිනයේ බන්ධනාගාරය තුළ මත්කුඩු ජාවාරම සිදුකරගෙන යන බවට තොරතුරු ලැබී ඇත.
සදුදා දිනයේදී ඇප තබා බන්ධනාගාරයෙන් ඔවුන් පිටවන විට ඔවුන්ගේ බැංකු ගිණුම් වල විශාල ප්‍රමාණයෙන් මුදල් රැස්වී තිඛෙන බවද වාර්තා වේ.
පුද්ගලයන් බන්ධනාගාරය තුළ රැදවීමට ප්‍රථම සිදු කරන පරීක්ෂා සදහා යොදා ගන්නා යන්ත්‍රවලටද හසු නොවන ලෙස කාබන්කොළ වල ඔතා ගුද මාර්ගයේ මත්කුඩු සගවාගෙන මෙම පුද්ගලයන් බන්ධනාගාරගත වන බව මේ පිළිබදව කළ විමසීමකදී බන්ධනාගාර කොමසාරිස් ජනරාල් චන්ද්‍රරත්න පල්ලේගම මහතා පැවසීය.

කිරිපිටි වල සීනි පරීක්ෂාව රස පරීක්ෂකට

කිරිපිටි වල සීනි පරීක්ෂාව රස පරීක්ෂකට

මෙරට වෙළදපොළේ අලෙවි කිරීමට තිඛෙන ආදේශක කිරිපිටි වර්ගවල සාම්පල ඊයේ (20දා) ලබාගත් බවත් එහි අඩංගු සීනි ප්‍රමාණය පරීක්ෂා කිරීම සදහා රසපරීක්ෂක වෙත යොමු කිරීමට කටයුතු කරන බව පාරිභෝගික කටයුතු පිළිබද අධිකාරියේ අධ්‍යක්ෂක ජනරාල් ජෙ.එම්.ජෙ ඩග්ලස් මහතා ප්‍රකාශ කළේය.මෙම කිරිපිටි වල අඩංගු සීනි සාන්ද්‍රණය ඉහළ මට්ටමක පැවතිය හොත් සහ එය පරිභෝජනයට නුසුදුසු බවට අනාවරණය වුවහොත් මෙරට වෙළදපොළෙන් ඉවත් කිරීමට කටයුතු කරන බව ජෙ.එම්.ජෙ ඩග්ලස් මහතා අනාවරණය කළේය.
කිරිිපිටි මිල ඉහළ යාමත් සමග මෙරට ප්‍රසිද්ධ කිරිපිටි සමාගමක් විසින් මෙම බාල වර්ගයේ ආදේශක කිරිපිටි අඩු මිලකට අලෙවි කරන බව පාරිභෝගික කටයුතු පිළිබද අධිකාරියට පැමිණිලි ලැබී ඇති බව ඒ මහතා සදහන් කළේය.

ෆේස්බුක් විශාල ප්‍රශ්නයක්

ෆේස්බුක් විශාල ප්‍රශ්නයක්
-කැබිනට් ප්‍රකාශක

ෆේස්බුක් (ත‍්ජැඉදදන) සමාජ වෙබ් අඩවිය භාවිතය තුළින් විශාල ප්‍රශ්නයක් නිර්මාණය වී ඇති බවත්,මේ තත්ත්වය යටපත් කිරීමට කි්‍රයාදාමයක් අවශ්‍ය බවත් ජනමාධ්‍ය හා ප්‍රවෘත්ති අමාත්‍ය කෙහෙළිය රඹුක්වැල්ල මහතා ප්‍රකාශ කළේය.
ඊයේ (20දා) ජනාමාධ්‍ය අමාත්‍යංශයේදී පැවති අමාත්‍ය මණ්ඩල තීරණ දැනුම්දීමේදී අමාත්‍යවරයා මේ බව ප්‍රකාශ කළේය.
zෆේස්බුක් සම්බන්ධව විශාල ප්‍රශ්නයක් තියනවා.ලෝකය පුරාම මේ සම්බන්ධව නීතිමය තත්ත්වයක් පිළිබදව අවධානය යොමුකිරීමට සිදුවෙනවා.
ඒ සමාජ ජාල දැනුම ඛෙදාගනු ලබන වෙබ්අඩවි මෙන්ම එය කොයි ආකාරයටද අගතිගාමී වන්නේ යන්න පිළිබදවයි.
යම්කිසි කෙනෙකුට අගතිගාමී වන දෙයක් නතර කිරීමට ගියහොත් ලෝකයට පොදු සන්නිවේදන මාර්ගයක් අවහිර වෙනවා.මේක තර්ජනයක්.ගුවන්යානා අනතුරුවලින් පුද්ගලයින් ගණනක් ජීවිතක්ෂයට පත්වුවත්,ගුවන් ගමන් නතර වෙන්නෙ නැහැ.
ඒ සදහා එක්වන පුද්ගලයන් නතර වෙන්නේ නැහැ.ෆෙස්බුක් නියාමනය කළොත් මාධ්‍ය නිදහස නෑ කියනවා.මේ පිළබදව අධ්‍යනය කළ යුතුයිZයනුවෙන් අමාත්‍යවරයා පැවසීය.

නොරොච්චෝල බලාගාරයට මුහුදු වැලි දැම්මාදැයි පරීක්ෂණයක්

නොරොච්චෝල බලාගාරයට මුහුදු වැලි දැම්මාදැයි පරීක්ෂණයක්

නොරොච්චෝලේ ගල් අඟ=රු බලාගාරයට මුහුදු වැලි දමන ලදැයි කියන සිද්ධිය හා එහි සී.සී.ටී.වී. කැමරාව වෙනස් කිරීමේ සිද්ධිය සම්බන්ධයෙන් පරීක්ෂණයක් පැවැත්වීමට විදුලිබල මණ්ඩලයේ අතිරේක සාමාන්‍යාධිකාරිවරයෙකුගේ ප්‍රධානත්වයෙන් විශේෂ කමිටුවක් පත් කර ඇතැයි මණ්ඩලයේ ජ්‍යෙෂ්ඨ නිළධාරියෙක් පැවසීය.
එම පරීක්ෂණ කමිටු වාර්තාව හැකි ඉක්මනින් ලබා දෙන ලෙස කමිටුවට උපදෙස් දී ඇති බවද ඔහු සඳහන් කළේය.
බලාගාරයේ කන්ඩෙන්සරයට මුහුදු වතුර ඇතුළුවීම සාමාන්‍ය දෙයක් වුවද බලාගාරයේ වෙනත් ස්ථානයකට මුහුදු වැලි ඒමේ ඉඩකඩක් නැතැයි කී එම නිළධාරියා ප්‍රශ්ණයට මුල් වී ඇත්තේ බලාගාරයේ වෙනත් ස්ථානයක තිබී මුහුදු වැලි හමුවීම යැයි කීෙවීය.
මීට අමතරව බලාගාරයේ සී.සී.ටී.වී. කැමරාවක් වෙනස් කර ඇතැයි කී එම නිළධාරියා එය කඩාකප්පල් ක්‍රියාවක් විය හැකි යැයි සඳහන් කළේය.
අවශ්‍යවුවහොත් මීටත් එහා ගිය බාහිර පාර්ශවයක මැදිහත්වීමෙන් පරීක්ෂණයක් පැවැත්වීමට පියවර ගන්නා බවද එම ප්‍රකාශකයා කීවේය.

ළමයින්ගෙන් සියයට හැත්තෑවකට හතිය

ළමයින්ගෙන් සියයට හැත්තෑවකට හතිය
වැඩිම පිරිසක් කොළඹ හා මහනුවරින්

ළමයින්ගෙන් සියයට හැත්තෑවකට ළමා හතිය වැළ`දී ඇති බවට හ`දුනාගෙන ඇතැයි වසංගත රෝග විද්‍යා අංශයේ විශේෂඥ වෛද්‍යවරයෙක් zරිවිරZට අනාවරණය කළේය.කොළඹ හා මහනුවර දිස්ති්‍රක්ක වලින් ළමා හතිය වැළෙ`දන හා වැළ`දුන රෝගීන් බහුලව වාර්තා වන බවත් වායු දුෂණය හේතුවෙන් හේතුවෙන් එම තත්ත්වය ඇතිව තිඛෙන බවත් එම වෛද්‍යවරයා පෙන්වා දුන්නේය.
ළමා හතිය පිළිබද කොළඹ රිජ්වේ ආර්යා ළමා රෝහලේ වෛද්‍ය පරිපාලන විශේෂඥ වෛද්‍ය රත්නසිරි හේවගේ මහතාගෙන් විමසූ විට ඔහු කියා සිටියේ දේශගුණ තත්ත්වය හා පාසල් ආරම්භයත් සමග ළමා හතිය වැළදෙන රෝගීන් වැඩිපුර වාර්තා වන බවයි.
දීර්ඝකාලීන ළමා හතියට වඩා සෙම්පතිශ්‍යාව වැළ`දුණු රෝගීන්ගෙන් බහුතරයකට ළමා හතිය වැළ`දෙන බවට වාර්තා වන බවත් ස්වාසනාළිකා ඇතුළත සංකෝචනය වීම හේතුවෙන් ළමා හතියට තාවකාලිකව හෝ ළමයින් ගොදුරුවන බව හෙතෙම පැවසීය.
දීර්ඝකාලීනව ඇති ළමා හතිය වැළ`දුන රෝගීන්ට මාස හයක් අඛණ්ඩව ඉන්හේලර් ප්‍රතිකාර ලබාදීම වැදගත් බවත් තාවකාලිකව ළමා හතිය වැළ`දෙන රෝගීන්ටත් නිසියාකාරව ප්‍රතිකාර ලබා නොදුන්නහොත් දීර්ඝකාලීනව එය පැවතිය හැකි බවත් වෛද්‍ය හේවගේ මහතා පෙන්වා දුන්නේය.

ත්‍රීරෝද මීටර වල නිවැරදි බව පරීක්ෂා කිරීමට මධ්‍යස්ථාන

ත්‍රීරෝද  මීටර වල නිවැරදි බව පරීක්ෂා කිරීමට මධ්‍යස්ථාන

ත්‍රීරෝද රථවල මීටරවල නිවැරදිභාවය මැනීම සදහා දිවයින පුරා සෑම දිස්ති්‍රක්කයක්ම ආවරණය වන පරිදි එහි කි්‍රයාකාරීත්වය පරීක්ෂා කිරීමේ මධ්‍යස්ථාන ආරම්භ කරන බව මිනුම් ඒකක ප්‍රමිති හා සේවා දෙපාර්තමේන්තුවේ අධ්‍යක්ෂ ජනරාල් කේ.ේමසිරි කුමාර මහතා පැවසීය.
ති්‍රරෝද රථවල මීටර් පද්ධතිවල කි්‍රයාකාරිත්වය නිවැරදි නොවන බවත් ඔවුන් පාරිභෝගිකයන් රවටා මුදල් ගන්නා බවට පාරිභෝගික කටයුතු පිළිබද අධිකාරියට පැමිණිලි ලැබී ඇති බවත් ඒ මහතා සදහන් කළේය.
ඒ හේතුවෙන් එම ත්‍රිරෝද රථවල සවිකළ මීටර පද්ධතියේ නිවැරදිභාවය පරීක්ෂා කිරීමට පරීක්ෂණ උපකරණ ගෙන්වීමට නියමිත බව ඒ මහතා කියා සිටියේය.
මෝටර් රථ දෙපාර්තමේන්තුව මගින් සෑම ත්‍රිරෝද රථයක් සදහාම මීටර් පද්ධතියක් සවි කිරීම අනිවාර්ය කර තිබේ.කෙසේ නමුත් ඇතැම් ති්‍රරෝද රථ රියදුරන් මෙම මීටර් පද්ධතිය සවිකිරීම අනිවාර්ය කිරීමට විරුද්ධ බවත් දිවයින පුරා ඇති සෑම ති්‍රරෝද රථයකම මීටර් සවිකර නොමැති බවත් ඒ මහතා වැඩිදුරටත් ප්‍රකාශ කළේය.

සුවද විලවුන් සදහා කරපිංචා ශාක කොටස් රට පැටවීමේ ජාවාරමක්

සුවද විලවුන් සදහා කරපිංචා ශාක කොටස් රට පැටවීමේ ජාවාරමක්

සුවද විලවුන් වර්ගයක් නිෂ්පාදනය කිරීම සදහා කරපිංචා ශාකයේ කොටස් හා විවිධ මල් විදෙස්ගත කිරීමේ ජාවාරමක් පිළිබද ගාල්ල දිස්ති්‍රක්කයෙන් තොරතුරු හෙළ වී ඇති බව පොලීසිය පවසයි.
ගාල්ල නෙළුව සහ හිනිදුම යන ප්‍රදේශ කේන්ද්‍ර කර ගනිමින් මෙම ජාවාරම සිදුවන බව පොලිස් පරීක්ෂණ වලදී අනාවරණය වී තිබේ.කරපිංචා ශාකය බිම් මට්ටමේ සිට අඩි 2ක් පමණ උසින් යුත් කොටස සුව`ද විලවුන් නිපදවීම සදහා මෙලෙස විදෙස්ගත කරන බව පැවසේ.
ඒ සම්බන්ධයෙන් මුලින්ම තොරතුරු ලැබී ඇත්තේ මිල අධික සුවද විලවුන් නිෂ්පාදනය කිරීම සදහා යොදා ගන්නා වල්ලාපට්ටා ජාවාරමේ නිරත වූ සැකකරුවන් පිරිසකගෙන් සිදුකළ ප්‍රශ්න කිරීම් වලදීය.ගාල්ලේ අත්අඩංගුවට ගැණුනු එම සැකකරුවන් සන්තකයේ තිබී වල්ලාපට්ටා කිලෝ ග්‍රෑම් 19ක්ද සොයා ගෙන තිබිණි.හොද වල්ලාපට්ටා කිලෝවක් සදහා රුපියල් ලක්ෂයක මුදලක් ලැඛෙන බවද අදාළ සැකකරුවන් පවසා ඇත.

නවලෝක රෝහලේදී දුන් එන්නතකින් මව මරණයට පත් වුණා

නවලෝක රෝහලේදී දුන් එන්නතකින් මව මරණයට පත් වුණා
පුතා පරීක්ෂණයක් ඉල්ලයි

නවලෝක රෝහලේදී වෛද්‍යවරයෙකු තම මවට එන්නතක් ලබාදුන් සැණින් ඇය මරණයට පත්වීම සැක සහිත බැවින් ඒ ගැන පරීක්ෂණයක් පවත්වා මරණයට හේතුව අධිකරණයට වාර්තා කරන මෙන් කොළඹ ප්‍රධාන අධිකරණ වෛද්‍යවරයා වෙත නියෝගයක් නිකුත් කරන්නැයි ඉල්ලමින් පුතකු කොම්පඤ්ඤ වීදිය පොලිසිය මගින් කොටුව මහේස්ත්‍රාත්වරයා වෙත පැමිණිල්ලක් කර තිබේ.
පැමිණිලිකරු අංක 119/59 රිලවුල්ල කදාන ලිපිනයේ පදිංචි පලිහවඩන ආරච්චිගේ ඇන්ටන් ජගත් පෙරේරා නමැත්තෙකි.
තම මව වන දෝන විනිපීඩා ජයසූරිය (73) 2014.02.17 දින කොළඹ නවලෝක රෝහලට කකුලේ තුවාලයකට ශල්‍යකර්මයක් සදහා ඇතුළත් කළ බවත් මෙම ශල්‍යකර්මය භාරව සිටියේ වෛද්‍ය මයියා ගුණසේකර බවත් පැමිණිල්ලේ සදහන්ය.අදාළ වෛද්‍යවරයා නියම කළ එන්නත ශල්‍යකර්මයෙන් පසුව රාතී්‍ර 8.00ට පමණ රෝගියාට ලබාදුන් බවද මේ අවස්ථාවේ පැමිණිලිකරු හා ඔහුගේ බිරිද වන රුක්ෂානා රාජපක්ෂ යන දෙදෙනා රෝගියා අසල සිටි බවද කියා ඇත.
රෝගියාගේ කටින් පෙණ හා සෙම එන්නට ගත් නමුත් වෛද්‍යවරයෙකු රෝගියා වෙත පැමිණෙන්නට විනාඩි 8ක් පමණ ගතවුයේ යැයිද වෛද්‍ය මයියා ගුණසේකර මහතා විසින් ලබාදුන් එම එන්නත් කුප්පිය බිරි`දගේ බෑගයේ ඇති අතර එන්නත දුන් සැණින් මරණය සිදුවීම සැක සහිත යැයිද පැමිණිලිකරු පවසයි.

බතලගොඩින් නව බිත්තර වී වර්ගයක්

බතලගොඩින් නව බිත්තර වී වර්ගයක්

බතලගොඩ වී පර්යේෂණ ආයතනය ශීතල දේශගුණයට වඩාත් උචිත නව බිත්තර වී ප්‍රභේදයක් හදුන්වා දී තිබේ.
මෙම නව බිත්තර වී ප්‍රභේදය බී.ජී.එම්.ඒ.ටූ. ලෙස නම් කර ඇත. මෙම වී වර්ගය වගා කිරීමෙන් අක්කරයකින් වී බුසල් 80 ක් 100 ත් අතර අස්වැන්නක් ලබා ගත හැකි බවත් විශේෂයෙන්ම තෙත් කලාපයේත්, මධ්‍යම පළාත ආශ්‍රිතවත්, කෑගල්ල හා මාවනැල්ල ආදී ප්‍රදේශවලත් ඉතාමත් සාර්ථකව මෙම නව බිත්තර වී ප්‍රභේදය වගා කළ හැකි යැයි බතලගොඩ වී පර්යේෂණ ආයතනයේ පර්යේෂණ අංශයේ නිළධාරීන් කියති.
මෙම නව බිත්තර වී ප්‍රභේදය වගා කිරීමට කැමැත්තක් දක්වන ගොවි මහතුන්ට එම බිත්තර වී කිලෝවක් හෝ දෙකක් නොමිලේ ලබා දීමටද බතලගොඩ වී පර්යේෂණ ආයතනය පියවර ගෙන තිබේ.
දැනට මෙම නව බිත්තර වී කිලෝ දෙදහසක් (2000) පමණ තම ආයතනය සතුව ඇතැයි එහි නිළධාරීහු වැඩිදුරටත් කියති.

කොළඹ පිටත වටරවුම් මාර්ගය 4 - 5 දිනවල පයින් යන්න ඇරලා

කොළඹ පිටත වටරවුම් මාර්ගය 4 - 5 දිනවල පයින් යන්න ඇරලා

කොළඹ පිටත වටරවුම් මාර්ගයේ කොට්ටාව සිට කඩුවෙල දක්වා කොටස ජනතාවට පයින් ගමන් කිරීම සඳහා ලබන 04 හා 05 යන දෙදින විවෘතව තබන බව මහා මාර්ග වරාය හා නාවික ව්‍යාපෘති ඇමති නිර්මල කොතලාවල මහතා පැවසීය.
මේ දින දෙකේ කොට්ටාව - කඩුවෙල අධිවේගී මාර්ගයේ විවිධ තරඟ හා උත්සවද පැවැත්වීමට කටයුතු යොදා ඇතැයි ඇමතිවරයා සඳහන් කළේය.
මෙම අධිවේගී මාර්ගය ශ්‍රී ලංකාවේ තුන්වැනි අධිවේගී මාර්ගය ලෙස ජනාධිපති මහින්ද රාජපක්ෂ මහතා අතින් ලබන මස 08 වැනිදා සුභ මොහොතින් ජනතා අයිතියට පත් කරන බවද ඇමති කොතලාවල මහතා කීය.

නොරොච්චෝල ඉදි නොකළානම් විදුලිය නිපදවන්න කෝටි 500 ක් යනවා

නොරොච්චෝල ඉදි නොකළානම් විදුලිය නිපදවන්න කෝටි 500 ක් යනවා

ඇමති පවිත්‍රා මැතිසබේදී කියයි

නොරොච්චෝලේ ගල් අඟ=රු බලාගාරය ඉදි නොකළේ නම් ගතවූ කාලය තුළ ඉන්ධනවලින් විදුලිය නිෂ්පාදනයට රුපියල් කෝටි 6,500 ක් වැයවන බව විදුලිබල හා බලශක්ති ඇමතිනී පවිත්‍රා වන්නි ආරච්චි මහත්මිය පාර්ලිමේන්තුවේදී පෙරේදා (18) ප්‍රකාශ කළාය.
නොරොච්චෝලේ ගල් අඟ=රු බලාගාරය ඉදි කිරීමට ගිය සම්පූර්ණ වියදම රුපියල් කෝටි 5,000 ක් බවද ඇමතිවරිය කීවාය.
ඇමතිනී වන්නි ආරච්චි මහත්මිය මේ බව පැවසුවේ අනුරාධපුර දිස්ත්‍රික් එ.ජා.ප. මන්ත්‍රී පී. හැරිසන් මහතා විසින් අසන ලද ප්‍රශ්ණයකට පිළිතුරු දෙමිනි.
නොරොච්චෝලේ බලාගාරය මේ වන විට 25 වන වතාවටත් කැඩී ඇතැයි හැරිසන් මන්ත්‍රීවරයා සඳහන් කළේය.
ඊට පිළිතුරු දුන් ඇමතිනී වන්නි ආරච්චි මහත්මිය, වික්ටෝරියා බලාගාරය 52 වතාවක් කැඩී ඇතැයි සඳහන් කළාය.
එපමණක් නොව, කොත්මලේ බලාගාරය වසර 2 ක් වසා දමා තිබූ බවද ඇමතිවරිය කීවාය.
වික්ටෝරියා බලාගාරය 52 වතාවක් කැඩී ඇති බව ඇමතිවරිය ඔප්පු කරන්නේ නම් තමා මන්ත්‍රීධූරයෙන් ඉල්ලා අස්වන බව හැරිසන් මන්ත්‍රිවරයා කීවේය.

තීන්ත ගෑමට කියා වීරකැටියේ පාසල් සිසුන්ගෙන් පනස් දහස බැගින් ඉල්ලලා

තීන්ත ගෑමට කියා වීරකැටියේ පාසල් සිසුන්ගෙන් පනස් දහස බැගින් ඉල්ලලා

කතානායක මැති සබයේදී කියයි

තීන්ත ගෑමට යැයි කියමින් වීරකැටියේ පාසල්වල ළමයින්ගෙන් රුපියල් පනස් දහස බැගින් ඉල්ලා ඇති බව කතානායක චමල් රාපක්ෂ මහතා පෙරේදා (18) පාර්ලිමේන්තුවේදී අධ්‍යාපන ඇමති බන්දුල ගුණවර්ධන මහතාට දැනුම් දුන්නේය.
කතානායකවරයා මෙම දැනුම්දීම කළේ, මොණරාගල දිස්ත්‍රික් එ.ජා.ප. මන්ත්‍රී රංජිත් මද්දුම බණ්ඩාර මහතා විසින් අසන ලද ප්‍රශ්ණයකට අධ්‍යාපන ඇමති බන්දුල ගුණවර්ධන මහතා පිළිතුරු දුන් අවස්ථාවේදීය.
ප්‍රශ්ණය මතු කරමින් රංජිත් මද්දුම බණ්ඩාර මහතා මෙසේ කීවේය.
පාසල්වල ඩෙස් බංකුවලට තීන්ත ගාන්න කියලා එක ළමයකුගෙන් රුපියල් දාහ දෙදාහ අය කරනවා. අධ්‍යාපන ඇමතිතුමා ඒ බව දන්නවාද?
අධ්‍යාපන ඇමති බන්දුල ගුණවර්ධන මහතා : සාමාන්‍යයෙන් ගමේ පන්සල්වලට, පල්ලිවලට මිනිස්සු කැමැත්තෙන් දාන දෙනවා. මේවාත් කරන්නෙ එහෙම තමයි. ගමේ මිනිස්සු වැඩ කරන්නෙ ඒ විදියටයි.
කථානායකවරයා : දාහ දෙදාහ නෙවෙයි, වීරකැටියේ මිනිස්සුන්ගෙන් නම් තීන්ත ගාන්න කියලා රුපියල් පනස්දාහ ගානෙ ඉල්ලනවා යැයිද කතානායකවරයා කීවේය.

ෆේස් බුක්, වට්ස් - ඇප් මිලදී ගැනීමට සැරසේ.

ෆේස් බුක් සමාජ ජාල වෙබ් අඩවිය මගින්, අන්තර්ජාල නිදහස් කෙටි පණිවුඩ සේවා සඳහා යොදා ගැනෙන වට්ස් - ඇප් අන්තර්ජාල සමාගම ඇමරිකානු ඩොලර් බිලියන 19 කට මිලදීගැනීමට සැරසෙනවා. එය ශ‍්‍රී ලංකාවේ මුදලින් රුපියල් බිලියන 2470 කට ආසන්න මුදලක්. වට්ස් - ඇප් මෘදුකාංග මසකට භාවිත කරන ලොව පුරා ග‍්‍රාහකයන්ගේ සංඛ්‍යාව මිලියන 450 ක් වන අතර ෆේස් බුක් නිර්මාතෘ මාක් සකබර්ග් කියා සිටියේ මෙය වටිනා මිලදීගැනීමක් බවයි. එම සංඛ්‍යාව ඉදිරියේදී කෝටි 100 ක් දක්වා ඉහළ යනු ඇතැයි ඔහු විශ්වාසය පළ කළා.

බොරැල්ල කනත්තේ ජෝතිපාලගේ වළ අසලින් ඇමති මර්වින් සිල්වා තමන්ගේම වළ කපාගනී

බොරැල්ල කනත්තේ ජෝතිපාලගේ වළ අසලින් ඇමති මර්වින් සිල්වා තමන්ගේම වළ කපාගනී
මුල්ගල තැබීම සති දෙකකින්.උපත විපත දාන්නේ නෑලූ

මම බොරැල්ලේ සුසාන භූමියේ ජෝතිපාලගේ වළ ළගින්ම වළක් ගත්තා.සල්ලිත් බැදලා ඉවරයි.තව සති දෙකකින් අත්තිවාරම කපලා මමම මුල්ගල තියනවා.මම කොට නිසා කොට සොහොන් කොතකුත් හදනවා.එදාට මම කාට කාටත් ආරාධනා කරනවා.
මේ අපූරු කතාව පැවසුව් මහජන සම්බන්ධතා හා මහජන කටයුතු ඇමති මර්වින් සිල්වා මහතාය.
මර්වින් ඇමතිවයා එසේ පැවසුවේ පෙරේදා (17දා) කැලණිය ශ්‍රී උපුල්වන් විශ්ණු දේවාල භූමියේ පැවති ඉදිරි පළාත් සභා මැතිවරණය පිළිබද කැලණිය ජනතාව දැනුවත් කිරීම සදහා පැවති රැස්වීමකදීය.
මර්වින් ඇමතිවරයා තවත් අපූරු හෙළි කිරීම් කීපයක් සමග මෙහිදී ජනතාව දැනුවත් කිරීමක් කළේය.
මම ඉන්දියාවේ ප්‍රබල ශාස්ත්‍රකරුවෙකුගෙන් දැනගෙන තිබුණා ශ්‍රී ලංකා භූමියේ විෂ්ණු දේවාලයක් ඉදි කළොත් යුද්ධය නිමවෙන බව.එවන් දේවාලයක් දකින්න ජනාධිපති මහින්ද රාජපක්ෂ මහතාටත් පින තිබුණා.එම දේවාලය සෑදීමේ ශක්තිය,ධෛර්ය හා වාසනාව මට ඇති බවත් පවසා තිබුණා.හැබැයි මට කරදර සිදුවෙන බවත් පවසා තිබුණා.දේවාලය සෑදුයා යුද්ධය අවසන් වුණා.මට කරදර ඇති වුණා.
මම ඉන්දියාවේදී බලාපු තවත් ශාස්ත්‍රයකදී කීවා දැන් මේ පින්වන්තයා සත් වතාවක් උත්පත්ති ලබා තියනවා.නැවත උත්පත්තියක් සිදු වෙන්නේ මෛත්‍රී බුදුන් උපත ලබන විටදී පමණයි කියලා.
මම තීරණයක් ගත්තා කාලෙකින් නැවත උත්පතියක් නොලබන නිසා බොරැල්ල සුසාන භූමියේ ජෝතිපාලගේ වළ ළ`ගින්ම වළක් ගන්න.සල්ලිත් බැ`දලා ඉවරයි.තව සති දෙකකින් අත්තිවාරම කපලා මමම මුල්ගල තියනවා.මා කොට නිසා කොට නිසා කොට සොහොන් කොතක් හදනවා.හැබැයි ඒ සොහොනේ මගේ උපත දාන්නේ නැහැ.විපත දාන්නෙත් නැහැ.
මම ශාස්ත්‍ර අහන්න ඉන්දියාවට ගිය වෙලාවේ මගේ මිත්‍රයන් කීපදෙනෙකුත් ඒ ගමනට ගියා.ය මගේ පෙර බව ගැන කී කතාවට සාක්ෂි දරාවි.

අද සමහර අයට බත් කෑම නතර කළත් මත්ද්‍රව්‍ය භාවිතය නතර කිරීමට බෑ

අද සමහර අයට බත් කෑම නතර කළත් මත්ද්‍රව්‍ය භාවිතය නතර කිරීමට බෑ
අස්ගිරි මහා නාහිමියෝ සෞඛ්‍ය ඇමතිට කියති

අද සමහර අයට බත් කෑම නතර කළත් මත්ද්‍රව්‍ය භාවිතය නතර කිරීමට නොහැකි වී තිඛෙනවා.මත්ද්‍රව්‍ය ව්‍යාප්තිය නතර කිරීමට අසීරු වී තිඛෙනවා.සමහර අය දේශීය වශයෙන් මත්ද්‍රව්‍ය රටට ගෙන්වා ඉන්දියාව,පාකිස්ථානය වැනි රටවලින් මත්ද්‍රව්‍ය මිශ්‍ර බුලත් පුවක් වර්ග රටට ගෙන්වනවා යැයි උඩුගම ශ්‍රී බුද්ධරක්ඛිත අස්ගිරි පාර්ශ්වයේ මහානායක හිමියෝ පැවසූහ.
උන්වහන්සේ එසේ අනුශාසනා කර සිටියේ පිළිකාකාරකයන්ගෙන් තොර දේශීය දැහැත් වට්ටියක් පිළිබද මහානායක හිමිවරුන් දැනුවත් කිරීම සදහා සෞඛ්‍ය අමාත්‍ය මෛත්‍රීපාල සිරිසේන සෞඛ්‍ය අමාත්‍යංශයේ ලේකම්වරයා ඇතුළු නිලධාරීන් පිරිසක් මහානායක හිමියන් බැහැදුටු අවස්ථාවේදීය.
එහිදී මහානායක හිමියන් වැඩිදුරටත් අනුශාසනා කර සිටියේ,පිටිසරබද ගම්වල වැඩිහිටියන් බත් වලට වඩා බුලත් විටට ඇලූම් කරන බවත්,පිළිකාකාරක විටට ඇලූම් කරන බවත්,පිළිකාකාරක නොමැති දේශීය දැහැත් වට්ටිය පිළිබද පුළුල් ප්‍රචාරයක් දී ඒ පිළිබදව ජනතාව දැනුවත් කළයුතු බවයි.
බුලත් විට සමග තිඛෙන හුණු,දුම්කොළ වැනි දේවල ආදීනව පිළිබදව ජනතාව දැනුවත් කිරීම යහපත් කි්‍රයාවක් බවද මහානායක හිමියෝ අවධාරණය කළහ.

ජනාධිතිතුමනි,ෆේස්බුක් පිළිලයෙන් දැයේ දරුවන් බේරා දෙන්න

ජනාධිතිතුමනි,ෆේස්බුක් පිළිලයෙන් දැයේ දරුවන් බේරා දෙන්න
කොතලාවල විදුහලේ දෙමාපියෝ විරෝධතාවක

ෆේස්බුක් සිදුවීමක් හේතුකොට ගෙන සිසුවියක් සියදිවි නසා ගැනීම හේතුවෙන් විවිධ අසත්‍ය ප්‍රචාර පැතිරයාමෙන් කුරුණෑගල ශ්‍රීමත් ජෝන් කොතලාවල විදුහලේ කීර්තිනාමයට අපහාසයක් වී ඇති බව පවසමින් එම විදුහලේ දෙමාපියන් හා ආදි සිසුන් විශාල පිරිසක් ඊයේ (18දා) උදෑසන විරෝධතාවක නිරතවූහ.
කොතලාවල විදුහල ඉදිරිපිට මාර්ගයේ පැවති මෙම විරෝධතාවයට දෙදහසකට ආසන්න පිරිසක් සහභාගී වී සිටි අතර පොල්ලන්නාපිටිය මංසන්ධියේ සිට වෙලගෙදර ක්‍රීඩාංගණය දක්වා දිගු දුර ප්‍රමාණයකට විහිදී ඔවූහු විරෝධතාවෙහි නිරත වූහ.
විරෝධතාවයට නිරත වූ වැඩි පිරිසක් අත විවිධ පාඨ සදහන් පෝස්ටර තිබූ අතර ඔවූහු නිහ`ඩව,සාමකාමී ලෙස විරෝධතාවෙහි යෙදී සිටියහ.ඒ අවට විශේෂ පොලිස් ආරක්ෂාවක්ද යොදා තිබුණි.
මෙම විරෝධතාවයේදී ප්‍රදර්ශනය කළ පෝස්ටර්වල විදුහල නිසි ලෙස සුරැකී විදුහල්ති රැක ගනිමු, ජනාධිතිතුමනි,ෆේස්බුක් පිළිලයෙන් දැයේ දරුවන් බේරා දෙන්න,මහඇමතිතුමනි සත්‍ය දුටුවාට අපේ උපහාර,දෙමාපියන් දු දරුවන් සත්‍ය දකිමු,මාධ්‍යවේදී සහෘදයෙනි ඒක පාර්ශ්වික නොවී සත්‍ය පළ කරන්න.ආදී පාඨ සදහන්ව තිබුණි.

කාර් රේස් සදහා මුහුද ගොඩ කරන්නේ කාගේ අවශ්‍යතාවටද?

කාර් රේස් සදහා මුහුද ගොඩ කරන්නේ කාගේ අවශ්‍යතාවටද?
විපක්ෂ නායක මැති සබයේදී ප්‍රශ්න කරයි

කොළඹ හා ගම්පහට අයත් මුහුද ගොඩකර ෆෝමියුලා මෝටර් රථ ධාවන පථයක් ඉදි කිරීමට රජය කටයුතු කරමින සිටින බව විපක්ෂ නායක රනිල් වික්‍රමසිංහ මහතා පාර්ලිමේන්තුවේදී ඊයේ (18) ප්‍රකාශ කළේය.
අක්කර පන්සීයක පමණ වපසරියක මුහුද ගොඩකර කොළඹ වරාය ආසන්නයේ නගරයක් නිර්මාණය කිරීමට වරාය අධිකාරියට තිඛෙන අයිතිය කුමක්දැයි විපක්ෂ නායකවරයා මෙහිදී විමසීය.
ඉඩම් අත්පත් කර ගැනීමේ පනත යටතේ නියෝග පිළිබද විවාදයට එක්වෙමින් විපක්ෂ නායකවරයා මෙසේද කීවේය.
මුහුද ගොඩකරලා ඉඩම් අත්පත් කර ගත්තාම වන්දි ගෙවන්නේ කොහොමද...මොනාකෝ රාජ්‍යටත් වඩා විශාල ප්‍රදේශයක් මුහුද අත්පත් කර ගන්නයි මේ උත්සාහ කරන්නේ.එම භූමිය තුළ කැසිනෝ,කාර් රේස් ආදිය පැවැත්වීමට රජය ඉලක්ක කර තිඛෙනවා.මේ වරාය සංවර්ධන නගරය නමින් කරන වැඩසටහන ගැන රජය රටට නිවැරදි කරුණු හෙළි කළ යුතුයි.
මෝටර් රථ තරගාවලි පවත්වන්න විශාල භූමි ප්‍රමාණයක් වෙන්කර ගන්නේ කාගේ උවමනාවටද?හෙක්ටයාර 20ක් සින්නක්කර ලෙස මෙසේ විකුණන්න යනවා.සුද්දාවත් නොකළ දෙයක් තමයි මේ රජය කරන්න යන්නේ යැයි විපක්ෂ නායකවරයා වැඩිදුරටත් කීය.

වැස්ස මාර්තු මාසයේ

වැස්ස මාර්තු මාසයේ


පවතින වියළි කාලගුණික තත්ත්වය මාර්තු මස මුල සතියෙන් පසුව පහව යනු ඇතැයි කාලගුණ විද්‍යා දෙපාර්තමේන්තුව පවසයි.
මාර්තු මස මුල සතියෙන් පසු කාලයේදී අන්තර් මෝසම් කාලගුණික තත්ත්වය ස්ථාිත වන බැවින් දිවයින පුරා වැසි සහිත තත්ත්වයක් ඇති වනු ඇතැයි කාලගුණ විද්‍යාඥ කේ.ඩී සුජීව මහතා පැවසීය.
ඒත් සමග අකුණු ඇති වීමේ අවදානමද ඇති විය හැකි බැවින් අකුණු වලින් ආරක්ෂා වීම කෙරෙහි ජනතාව දැඩි අවදානයක් යොමු කළයුතු බවද ඒ මහතා පැවසීය.

පිළිකා රෝහලේ අකුණු සන්නායකය උස්සලා

පිළිකා රෝහලේ අකුණු සන්නායකය උස්සලා

වටිනාකම ලක්ෂ 60 ක්

මහරගම පිළිකා රෝහලේ අකුණු සන්නායකය පෙරේදා (17) රාත්‍රියේ ගලවාගෙන ගොස් ඇතැයි ආරංචි මාර්ග සඳහන් කරයි.

මෙම අකුණු සන්නායකය එම රෝහලේම පරිපාලනයට සම්බන්ධ එක්තරා පුද්ගලයකු තවත් පිරිසක් සමඟ එක්ව ගළවාගෙන ගොස් ඇති බවට තොරතුරු ලැබී ඇතැයි එම ආරංචි මාර්ග කියයි.

තඹ ලෝහයෙන් සාදන ලද අකුණු සන්නායකයේ වටිනාකම රුපියල් ලක්ෂ 20 ක් පමණ වන බව පැවසේ.

මෙම සොරකම සම්බන්ධයෙන් රෝහල් බලධාරීන් සෞඛ්‍ය අමාත්‍යංශයට හා මිරිහාන පොලීසියටද පැමිණිලි කර ඇත.

මේ අතර ඕස්ටේ්‍රිලියාවේ හිටපු නියෝජ්‍ය මහකොමසාරිස්වරයකු වන මයිකල් සිල්වා මහතා සිය ධන පරිත්‍යාගයෙන් රුපියල් ලක්ෂ 40 ක පමණ වියදමින් ඉදි කළ පිළිකා රෝහලේ ගොඩනැගිල්ලේ ආරක්ෂක පද්ධතියද පෙරේදා රාත්‍රියේ කිසියම් පිරිසක් විසින් ගළවාගෙන ගොස් ඇත.

මයිකල් සිල්වා මහතාද ඒ පිළිබඳව සෞඛ්‍ය ඇමති මෛත්‍රීපාල සිරිසේන මහතාට සහ මිරිහාන පොලීසියට පැමිණිලි කර තිබේ.

කාන්තාවන් වදකරන සූදුරු මිශ්‍ර ඖෂධයක් වෙළදපොළට ඇවිත්

කාන්තාවන් වදකරන සූදුරු මිශ්‍ර ඖෂධයක් වෙළදපොළට ඇවිත්

සත කුප්ප නැමති ඖෂධය සූදුරු සමග මිශ්‍රකර වෙළද පොළේ අලෙවිය සදහා තබා තිඛෙන බවත් ඒවා ආහාරයට ගැනීමෙන් කාන්තාවන් ව`දභාවයට පත්වීමේ බරපතළ අවදානමක් මතුව තිඛෙන බවත් දේශීය වෛද්‍ය අමාත්‍යංශ සදහන් කරයි.
මෙම ඖෂධය සූදුරුවලට සමාන වන බැවින් ඒවා සූදුරු මිශ්‍ර කරමින් අලෙවියට තබා ඇත්තේ ඒවායේ මිල ඉතාමත් අවම මට්ටමක පවතින බැවින් විය හැකි යැයි අමාත්‍යංශයේ ජ්‍යෙෂ්ඨ ප්‍රකාශකයෙක් සදහන් කළේය.
ආයුර්වේදය තුළ ගර්භාෂ ගත රෝග සදහා ලබා දෙන ඖෂධ සදහා මෙම ෂතකුප්පි භාවිතා කරන බවද එම ප්‍රකාශකයා පැවසීය.
මේවා සූදුරු වලට වඩා දිගින් අඩු හා මහතකින් වැඩි බව පෙන්වා දිය හැකි වන අතරම තිත්ත රසයකින් යුක්ත බවද හෙතෙම පැවසීය.
සූදුරු හා මිශ්‍ර කර කබලේ බැද ගැනීමෙන් ආහාරයට ගතහැකි වන අතර එහිදී එහි වෙනසක් දක්නට නොලැඛෙන බවත් එම ප්‍රකාශකයා පැවසීය.
විශේෂයෙන්ම සිංහල මිනිසුන් වැඩිපුර භාණ්ඩ මිලදී ගන්නා ප්‍රදේශ වල මෙම සූදුරු අලෙවි කිරීමට තබා තිඛෙන බවද තොරතුරු හෙලි ව ඇතැයිද දේශීය වෛද්‍ය අමාත්‍යංශය අවධාරණය කර සිටී.

කඩුවෙල අධිවේගය බලන්න මෙන්න අවස්ථාව.

කඩුවෙල අධිවේගය බලන්න මෙන්න අවස්ථාව.

කොළඹ පිටත අධිවේගී මාර්ගයේ කොට්ටාවේ සිට කඩුවෙල දක්වා කොටස මාර්තු 4 සහ 5 යන දිනවල මහජනතාවට දැකබලා ගත හැකියි. කිලෝමීටර 11 ක දිගින් යුත් මෙම මාර්ගයේ ඉදිකිරීම් මේ වනවිට අවසන් කර ඇති බවයි මහාමාර්ග ව්‍යාපෘති අමාත්‍ය නිර්මල කොතලාවල ප‍්‍රකාශ කළේ. එය මාර්තු 8 වැනිදා විවෘත කෙරෙනවා.

මෝඩි අගමැති වුණොත් ලංකාවට හමුදා සහාය නෑ

මෝඩි අගමැති වුණොත් ලංකාවට හමුදා සහාය නෑ

භාරතීය ජනතා පක්ෂයේ අගමැති ධූර අපේක්ෂක නරේන්ද්‍ර මෝඩි බලයට පත් වූ පසු ශ්‍රී ලංකාවට හමුදා සහය නොදෙන බවට පොරොන්දු වූ බව  එම්.ඩී.එම්.කේපක්ෂයේ මහලේකම් වයිකෝ පැවසීය.
මාධ්‍ය සාකච්ඡාවකට එක්වෙමින් වයිකෝ ප්‍රකාශ කෙළේ චෙන්නායි නුවරදී නරේන්ද්‍ර මෝඩි හමු වූ බවත් එහිදී තමන් ශී්‍ර ලංකා හමුදාව දෙමළ ජනතාවට එරෙහිව කළ ක්‍රෑරකම් පිළිබ`දව නරේන්ද්‍ර මෝඩි දැනුවත් කළ බවයි.එම අවස්ථාවේ දී ඉන්දියාවේ හිටපු අගමැතිඅතල් බිහාර් වජ්පායිගේ හමුදා සහයක් ලබා නොදීමේ ප්‍රතිපත්තිය ඉදිරියට ගෙන යන බවට නරේන්ද්‍ර මෝඩි පොරොන්දු  බව වයිකෝ තව දුරටත් පැවසීය.
දෙමළ ජනයාට සාධාරණයක් ඉටුකිරීම ස`දහා එළැෙඔන 26 වැනිදාට ලොව පුරා උද්ඝෝෂණ සංවිධානය කරන බවත් බි්‍රතාන්‍ය අගමැති ඩේවිඩ් කැමරන් ඇතළු ලෝක නායකයන්ගේ නිවෙස් ඉදිරිපිටද මෙම උද්ඝෝෂණ පවත්වන බවත් ඔහු කීය.
බි්‍රතාන්‍යයේ චැනල් 4 නාළිකාව ශ්‍රී ලංකාවේ සිදුවූ යුද අපරාධ සම්බන්ධයෙන් නවතම සාක්ෂි ඉදිරිපත් කිරීමට සූදානමින් සිටින බවත් අහිංසක දෙමළ කාන්තාවන් 15 දෙනකු ලිංගික අතවරවලට ලක්වෙන අයුරුත් යුද සමයේදි ඝාතනයට ලක්වන අයුරුත් දැක්වෙන ඡායාරූප එළිදැක්වීමට නියමිත බවත් කීය.

මත්පැන් හදන්න ගන්නා ඊතයිල් ලීටරයකට රුපියල් 100ක බද්දක්

මත්පැන් හදන්න ගන්නා ඊතයිල් ලීටරයකට රුපියල් 100ක බද්දක්

මත්පැන් නිෂ්පාදනයට යොදා ගනු ලබන ඊතයිල් (මද්‍යසාර) ස්ප්‍රීතු ස`දහා ලීටරයකට රුපියල් 100ක බද්දක් පනවා ඇත.
ජනාධිපති මහින්ද රාජපක්ෂ මහතා මුදල් ඇමතිවරයා වශයෙන් ඉකුත් ජනවාරි මස 20 වැනිදා නිකුත් කරන ලද අතිවිශේෂ ගැසට් නිවේදනය මගින් මෙම බද්ද පනවා තිබේ.
ඒ අනුව, මත්පැන් නිෂ්පාදනයට යොදා ගනු ලබන දේශිය හෝ ආනයනික ඊතයිල් මද්‍යසාර සඋම ලීටරයක් ස`දහාම රුපියල් 100ක් බද්දක් අය කෙරේ.
අශ=ද්ධ ඊතයිල් මද්‍යසාර ස`දහා අනයනික සෑම ලීටරයක් වෙනුවෙන්ම රුපියල් 875කද, දේශීයව සපයනු ලබන අශ=ද්ධ ඊතයිල් මද්‍යසාර සෑම ලීටරයක් වෙනුවෙන්ම රුපියල් 225කද බද්දක් පනවා තිබේ.
රජය විසින් අනුමත කරන ලද පර්යේෂණ හා අධ්‍යාපනික ආයතන රොහල් සහ රජයේ දෙපාර්තමේන්තු මගින්යොදාගනු ලබන ඊතයිල් මද්‍යසාර ලීටර් 10,000 දක්වා බද්දෙන් නිදහස් කර ඇත.
එහෙත් එම ආයතන මගින් යොදා ගනු ලබන ඊතයිල් මද්‍යසාර ලීටර් 20,000 දක්වා, ආනයනික රේගු බද්ද රුපියල් 500 ක්ද දේශීය සැපයුම ස`දහා බද්ද රුපියල් 450 ක්ද ලෙස පනවා ඇත.

පිටිසර දේවාල 15 ක් පූජා භූමි ලෙස නම් කරයි

පිටිසර දේවාල 15 ක් පූජා භූමි ලෙස නම් කරයි

ජනාධිපති මහින්ද රාජපක්ෂ මහතා විසින්පිටිසර දේවාල 15ක් පූජා භූමි ලෙස ප්‍රකාශයට පත් කරනු ලැබ ඇතැයි බුද්ධශාසන හා ආගමික කටයුතු අමාත්‍යංශයේ ලේකම් එම්.කේ.බී. දිසානායක මහතා පවසයි.
අග්‍රාමාත්‍ය සහ බුද්ධශාසන අමැති දි.මු. ජයරත්න මහතාගේ යෝජනාවක් අනුව ජනාධිපතිවරයා මේ පියවර ගෙන ඇති බවද ලේකම්වරයා කීය.
මෙසේ පූජා භූමි ලෙස ප්‍රකාශයට පත් කර ඇත්තේ වේගිරිය ශ්‍රී නාථ දේවාලය, දෙඩම්වල ශ්‍රී නාථ දේවාලය, ගනේගොඩ ශ්‍රී කතරගම දේවාලය, වල්වාසගොඩ ශ්‍රී කතරගම දේවාලය, අලවතුගොඩ සමන් දේවාලය, පස්ගම ශ්‍රී නාථ දේවාලය, මොරපේ ශ්‍රී කතරගම දේවාලය, ඇම්බැක්ක ශ්‍රී පත්තිනි දේවාලය, කිරි`දිගල ශ්‍රී විෂAණු දේවාලය, ගොන්නගල ශ්‍රී විෂAණු දේවාලය, ජන්තුරේ ශ්‍රී විෂAණු දේවාලය, කැන්දවල ශ්‍රී විෂAණු දේවාලය, බොල්තුඩේ සමන් දේවාලය, සොරගුණේ කුඩා කතරගම දේවාලය සහ කොටබෝව කුඩා කතරගම දේවාලය වේ.

ශිව පූජාවට ආ කතුන් දෙදෙනකු කෙලෙසූ ශ්‍රමණ වේශධාරියා මාට්ටු

ශිව පූජාවට ආ කතුන් දෙදෙනකු කෙලෙසූ ශ්‍රමණ වේශධාරියා මාට්ටු

කාන්තාවන් දෙදනකු හා බාලවයස්කාර දැරියක ලිංගික අපයෝජනයට ලක් කළ හිමිනමක් පෙරේදා (16) පස්වරුවේ අත්අඩංගුවට ගත්බව දඔගල්ල පොලිසිය පවසයි.
ලිංගික අපයෝජන සිදු කළ හිමිනම එම කාන්තාවන්ට පවසා ඇත්තේ මෙය ශිව දෙවියන් උදෙසා කළ පූජාවක් බව යැයි පොලිසිය කියයි.
මෙම හිමිනම පොලිස් අත්අඩංගුවට පත්වන විටත් මොහු අපරාධ හා චෝදනා රැසක් සම්බන්ධයෙන් දෙහිඅත්තකණ්ඩිය, කඩුගන්නාව, බණ්ඩාරවෙල ආදී පොලිසිවලට අවශ්‍යව සිටි පුද්ගලයකු බව දඔගල්ල පොලිසිය පවසයි.
වකුගඩු රෝගයෙන් ඔත්පලව සිටින පුද්ගලයෙකුට ශාන්ති කර්මයක් සිදුකිරීමට මෙම හිමිනම නිවෙසට රැගෙන විත් ඇත්තේ ඔහුගේ බිරිය විසිනි.
මෙම හිමිනම ශාන්තිකර්ම මගින් රෝගීන් සුව කරන බව ප්‍රදේශයේ ප්‍රසිද්ධ වී සිට ඇතිඅතර ප්‍රථමයෙන් රෝගී සැමියාට පෙර මෙම කාන්තාවට ශාන්ති කර්මයක් කොට ශිව දෙවියන් වෙනුවෙන් පූජාවක් පැවැත්විය යුතු බව දන්වා ඇය නිවසේ කාමරයකට රැගෙන ගොස් ඇයට ලිංගික අපයෝජනයක් සිදුකර ඇතැයි පොලිසිය කළ මූලික පරීක‍ෂණවල දී හෙළි වී ඇත.
පසුව ඊට පැය කීපයකට පසු මෙම ශාන්ති කර්මය දැක බලා ගැනීමට පැමිණි ගැබිණි කාන්තාවකට ද මෙම හිමිනම ලිංගික අපයෝජනයක් සිදුකර ඇතැයි පොලිසිය කළ මූලික පරීක‍ෂණවල දී හෙළි වී ඇත.
පසුව ඊට පැය කීපයකට පසු මෙම ශාන්ති කර්මය දැක බලා ගැනීමට පැමිණි ගැබිණි කාන්තාවකට ද මෙම හිමිනම ලිංගික අපයෝජනයක් සිදුකර පසුව එදිනම පස්වරුවේ පහළොස් හැවිරිදි දැරියකද නිවසින් එළියට කැ`දවාගෙන ගොස් මොහු ලිංගික අපයෝජනයකට ලක්කර තිබේ යැයි පොලිසිය කියයි.
අනතුරුව නිවැසිකාන්තාවට මෙම හිමිනම නැවත වරක් ලිංගික අපයෝජනයක් කර ඇති බව දඔගල්ල පොලීසිය පවසයි. මොහු මෙම ලිංගික අපයෝජන සිදුකර එම කාන්තාවන්ට පවසා ඇත්තේ ඒ දේවල් ශිව දෙවියන් උදෙසා කළ පූජාවන් ලෙසය.

ලෝක කුසලාන ශ්‍රී ලංකා සංචිතය නම්කෙරේ

ලෝක කුසලාන ශ්‍රී ලංකා සංචිතය නම්කෙරේ
කණ්ඩායම් නායකත්වය දිනේෂ් චන්දිමාල්

මාර්තු මාසයේදී බංගලාදේශයේදී ආරම්භවීමට නියමිත පන්දුවාර විස්සයි-20 ලෝක කුසලාන කි්‍රකට් තරගාවලියට සහ මේ මස අගදී ආරම්භ වීමට නියමිත ආසියානු කුසලාන පන්දුවාර 50 කි්‍රකට් තරගාවලියට සහභාගීවන ශී්‍ර ලංකා සංචිතය කි්‍රකට් ආයතනය විසින් ඊයේ (17දා) නම්කරනු ලැබීය.රංගන හේරත් ආබාධයට ලක්ව සිටින බැවින් ඔහුගේ සහභාගීත්වය අවිනිශ්චිත බැවින් ඒ වෙනුවට නවක ක්‍රීඩක චතුරංග ද සිල්වා කැ`දවා ඇත.
ලෝක කුසලාන සංචිතය
දිනේෂ් චන්දිමාල් (නායක),ලසිත් මාලිංග (උපනායක),ටී.එම් ඩිල්ශාන්,කුසල් ජනිත් පෙරේරා,කුමාර් සංගක්කාර්,මහේල ජයවර්ධන,ළහිරු තිරිමාන්න,ඇන්ජලෝ මැතිවුස්,තිසර පෙරේරා,නුවන් කුලසේකර,සුරංග ලක්මාල්,රංගන හේරත්/චතුරංග ද සිල්වා,සචිත්‍ර සේනානායක,අජන්ත මෙන්ඩිස්,සීක්කුගේ ප්‍රසන්න.
ආසියානු සංචිතය
ඇන්ජලෝ මැතිව්ස් (නායක),දිනේෂ් චන්දිමාල් (උපනායක), ටී.එම් ඩිල්ශාන්, කුසල් ජනිත් පෙරේරා, කුමාර් සංගක්කාර්,මහේල ජයවර්ධන,ළහිරු තිරිමාන්න,අශාන් ප්‍රියන්ජන්,තිසර පෙරේරා,ලසිත් මාලිංග,නුවන් කුලසේකර,සුරංග ලක්මාල්, සචිත්‍ර සේනානායක,අජන්ත මෙන්ඩිස්,චතුරංග ද සිල්වා.

ගව ඝාතනය නැවැත්වීමට ජනපති කටයුතු නොකළොත්

ගව ඝාතනය නැවැත්වීමට ජනපති කටයුතු නොකළොත් රටේ කිසිවෙකු නොසිතන මොහොතක පරිවර්තනයක් වේවි
සිංහල රාවය උපවාසයක් අරඹයි

ගව ඝාතනය නැවැත්වීම ඇතුළු තම සංවිධානය ඉදිරිපත් කළ ඉල්ලීම් කිහිපය පිළිබදව ජනාධිපතිවරයාගේ මැදිහත්භාවය තවත් ප්‍රමාද වන්නේ නම් රටේ කිසිවෙකු නොසිතන මොහොතක සිතාගැනීමටත් අපහසු පරිවර්තනයක් සිදුවිය හැකි බව සිංහල රාවය සංවිධානය අවධාරණය කරයි.
කොළඹ කොටුව දුම්රියපොළ ඉදිරිපිට පැවැත්වෙන සත්‍යග්‍රහයට එක් වූ එම සංවිධානයේ සභාපති පූජ්‍ය අක්මීමන දයාරතන හිමියන් මේ බව පවසමින් කියා සිටියේ ජනාධිපති මන්දිරයට යන්නට අවශ්‍ය නම් බැරියර් තිබුණද,නැද්ද යන්න අදාළ නොවන බවත්,එසේ බැරියර් දමා තම ගමන වැළැක්විය නොහැකි බවත්ය.
දුන් පොරොන්දු ඉටු කරනු, ගව ඝාතනය වැළැක්වීම ඇතුළු බෞද්ධයන්ගේ අයිතීන් සුරකිනුයන මැයෙන් ආරම්භ කළ සත්‍යග්‍රහය පැවැත්වූ ඊයේ (17දා) දිනයේදී ස්වාමීන් වහන්සේ කිහිපනමක් ඒ සදහා එක්ව සිටියහ.
මීට මාස 04කට පෙර ජනාධිපතිවරයා අපට පොරොන්දු වෙමින් කියා සිටියේ ගව ඝාතනය වැළැක්වීම සදහා අවශ්‍ය කි්‍රයාමාර්ග ගන්නා බවයි.අපි ඒ සදහා මාස 03 ක කාලයක් ලබා දුන්නා.දැන් එම කාලයටත් වඩා දවස් ගෙවිලා ගිහින් තියෙන හින්දයි අපි මහ පාරට වැඩම කළේ.ශ්‍රී දළ`දා වහන්සේ අබියසින් ඇරඹි අධිෂ්ඨානයේ පුනරාගමනයට කොළඹට ආවේ ඒ අනුවයි.යනුවෙන් උන්වහන්සේ පැවසූහ.
අපිට තවත් කල් බලා ඉන්න බැහැ.දවස් දෙකක් ඇතුළත ජනාධිපතිවරයා ලිඛිතව ැවසිය දිය යුතුයි ගව ඝාතනය නතර කරන බව.ඒ වගේම අන්‍යාගමීකරණය ඇතුළු අේප අනෙක් ඉල්ලීම් ගැනත් සොයා බැලිය යුතුයි.
මේ සදහා ජනාධිපතිවරයා ඉදිරිපත් කරනවා කිව්ව වැඩපිළිවෙළ තවමත් ඉෂ්ට නොවුණ නිසා මිසක පවතින රජයට එරෙහි වෙලා තවත් අයෙකු පාලන බලයට ගෙන ඒමට කරන වැඩක් නෙවෙයි මෙය.ඔය ලේකම්වරුන්ගේ ලිපි ලේඛණ අපිට වැඩක් නැහැ.කෙළින්ම ජනාධිපතිවරයා සමග පමණයි අපේ ගනුදෙනු සිදුවිය යුත්තේ.හැමදාම මෙතන වාඩිවෙලා ඉන්න බැහැ.තව දවස් දෙකයි අපි හරියටම බලන්නේ.ඊට පස්සේ මොනවා සිදුවෙයිද දන්නේ නෑයැයිද අක්මීමන දයාරතන හිමියෝ කීය.

මහනුවරට උමං මාර්ග පද්ධතියක්

මහනුවරට උමං මාර්ග පද්ධතියක්

මහනුවර නගරය පසුකොට පිට පළාත්වලට දිවෙන වාහනවල පහසුව සදහාත්,මහනුවර නගරයේ ඇති අධික රථවාහන තදබදයට පිළියමක් ලෙසත් නගරයෙන් පිට ස්ථාන හතරක් ආවරණය වන පරිදි නගරය මැදින් උමං මාර්ග පද්ධතියක් ඉදිකිරීමට පියවර ගන්නා බව මාර්ග සංවර්ධන අධිකාරියේ නියෝජ්‍ය අධ්‍යක්ෂිකා (සැලසුම්) ඩී.එන් සියඹලාපිටිය මහත්මිය පැවසුවාය.
ඒ මහත්මිය ඒ බව සදහන් කළේ මහනුවර දිස්ති්‍රක් ලේකම් කාර්යාලයේ ශ්‍රවණාගාරයේදී පැවති දිස්ති්‍රක් සම්බන්ධීකරණ කමිටු රැස්වීමකදීය.
මහා මාර්ග දෙපාර්තමේන්තුවේ සම්බන්ධීකරණයෙන් පේරාදෙණිය විශ්වවිද්‍යාලය මුල් වී සිදු කළ සමීක්ෂණයක ප්‍රතිලයක් ලෙස මෙම උමං මාර්ග ඉදිකිරීමට නියමිත අතර,සුදුහුම්පොළ,අම්පිටිය,ගල්හි`දවත්ත හා තැන්නකුඹුර යන ප්‍රදේශ ආවරණය වන පරිදි මෙම උමං මාර්ග පද්ධතිය ඉදිකරනු ලබන බවද සියඹලාපිටිය මහත්මිය සදහන් කළාය.

ජීවිතයට තියන ආදරය නිසා කටවහගෙන ඉන්න වෙලා

ජීවිතයට තියන ආදරය නිසා කටවහගෙන ඉන්න වෙලා
නදීශා හේමමාලී

zමේ රටේ යුද්දෙ ඉවර වුණාට පස්සේ බහුතරයක් වගේම මමත් අවංකවම සිතුවා මේ රටේ වරප්‍රසාද නැති,අපේ පන්තියේ මිනිසුන්ගේ හිත ඇතුළේ හිරවෙලා තියන හැම හීනයක්ම සැබෑ කරගන්න පුළුවන් වෙයි කියලා.ඒත් හිතාගන්නත් බැරි විදිහට දවසින් දවස මේ ආණ්ඩුව අපේ හිත්වල තියන හීන ඔක්කොම බො`ද කරලා දාන්න පටන් ගත්තා.ආණ්ඩුවේ ඉහළ මට්ටමේ ඉන්න කිහිදෙනෙක් අතේ හැම දේකම බලය හිර කරගෙන ඒ අයගේ හෙන්චයියන් කීප දෙනෙකුගේ හීන විතරක් සැබෑ කරන්න පටන් ගත්තා.කලාකාරයෝ විදියට අපි වුණත් හෙන්චයියෝ වුණේ.නැත්නම් අපි හදපු ටෙලි නාට්‍යක් ප්‍රචාරය කරගන්න හරි,චිත්‍රපටයක් හදන්න ණයක් ගන්න හරි බැරි තත්ත්වයක් උදා වුණා.අසාධාරණය හැම තැනම රජ කරන්න පටන් ගත් බවZජනපි්‍රය සිනමා නිළි දකුණු පළාත් සභා එක්සත් ජාතික පක්ෂ අපේක්ෂිත නදීශා හේමමාලී මෙනවිය පවසයි.
ඇය මේ බව පැවසුවේ මාතර ඉසදින් නගරයේ ස්වරාප්ස පාරේ ඇයගේ පක්ෂ කාර්යාලයේ ආරම්භ කිරීමේ අවස්ථාවට සහභාගී වෙමිනි.තවදුරටත් කතා කළ ඇය මෙසේද පැවසීය.මේ රටේ අසාධාරණයට අයුක්තිය වෙනුවට විරුද්ධව වචනයක් කතා කරන්න බැරි තත්ත්වයක් තියෙන්නේ.තමන් දිහා භයානක යක්ෂයෙක් හැංගිලා බලාගෙන ඉන්නවා වගේ කිසිම දෙයක් කතා නොකර හැමෝම භය කරන්න වෙලා.ජීවිතයට තියෙන ආදරය නිසා කටවහගෙන ඉන්න වෙලා.හෘද සාක්ෂියට එක`ගව කිසිම දෙයක් කරන්න බැරි තත්ත්වයක් උදාවෙලා.අපේ රසිකයන්ගේ දුක් වි`දින හිත් වලට කලාකාරයෝ විදිහට අපි හිනා වෙලා පුංචි වෙලාවකට හරි සන්තෝසයක් එකතු කරන්න උත්සාහ කළත් අපේ ජීවිත වලට මේ ආණ්ඩුව නිසා උරුම වෙච්ච දුක,කලකිරීම් සහ වේදනාව නිසාම අපි ළ`ග ඉතුරු වෙලා තිබ්බ හිනාවත් මැකිලා ගියා.මුළු රටම,සමාජයම බලයේ ඉන්න කිහිපදෙනෙක් නිසා දවසින් දවස අගාධයට යනවා නේද කියලා ඔබට වගේම මටත් මේ සියල්ල මැද්දේ දැනගන්නට වුණා.
මේ සියලූ අසාධාරණයන් අයුක්තිය මැද වටපිට බලනකොට පේන්න පටන් ගත්ත කලාකාරයෝ විතරක් නෙමෙයි.මේ රටේ ඉන්න සියයට අනූූවක් අහිංසකයන්ගේ හෙට දවස ගැන හිත්වල පුරවගෙන තිබ්බ බලාපොරොත්තු විනාශ වෙලා යනවා නේද කියලා.විශේෂයෙන්ම දේශපාලන භේදයකින් තොරවම මේ රටේ තරුණ තරුණියන්ගෙන් සියයට අනූ පහකටම ජීවිතේ කොහොමද පටන් ගන්නෙ.කියන ප්‍රශ්නෙට හරිහමන් උත්තරයක් නැහැඒත් රජගෙදර බේබිලාගේ තාරුණ්‍යට නම් හෙටක් උදාවෙලා තියනවා.
රජගෙදර ඒ බේබිලා කොච්ච සතුටෙන් ඉන්නවද කිව්වොත් බස් එකේ යන්න රු.10ක් හොයා ගන්න බැරිව අමාරුවෙන් මේ රටේ දස ලක්ෂ ගණක් තරුණ තරුණියන් දුක් වි`දිද්දිරජ ගෙදර බේබිලා රෑට පාරවල් වහගෙන රුපියල් කෝටි ගණන් වටින ලැම්බෝගිනි කාර් වල නැගලා රේස් පදිනවා.ඒ විතරක් නෙමෙයි ඉස්කෝලෙට දාන සපත්තු දෙකක් ගන්න රු.600ක් හොයා ගන්න බැරිකමට මීට සති කිහියකට කලින් වලපනේ දැරිවියක් ඛෙල්ලේ වැලලාගෙන මැරෙන කොට රජගෙදර එක බේබි කෙනෙක් ප්‍රසිද්ධියේ පම්පෝරි ගැහුවා එයා රුපියල් ලක්ෂ 1.5ක් වටින සපත්තු ජාති මිස වෙන එකක් දාන්නේ නැහැ කියලා.
මේවා අහනකොට ඔබේ වගේම දකුණේ ඉපදුණ මගේ ඇගේ ලේත් රත්වුණ නිසා තමයි මම තීරණය කළේ මෙම අසාධාරණයට අයුක්තියට හා බොරුවට එරෙහිව කි්‍රයාකාරී දේශපාලනයට එන්න.මම පරම්රාවෙන්ම එක්සත් ජාතික පාක්ෂිකයෙක් වුණත් මොන පක්ෂයෙන්ද මම දේශපාලනය කරන්නේ කියලා හො`දින් හිතලා තීරණය කරන්න මට සිද්ධ වුණා.එතකොට මට පෙණුනා විපක්ෂයේ පක්ෂ සිය ගණනක් පක්ෂ අද තිබුණත් ආණ්ඩුවක් පිහිටුවලා මේ විනාශයෙන් රට බේර ගන්න හයියක් සහ අවශ්‍ය තරම් විශාල ඡන්ද ප්‍රමාණයක් වික්ෂයේ අනෙක් හැම පක්ෂයටම වඩා තියෙන්නේ එක්සත් ජාතික පක්ෂයට විතරක් කියලා.

අද අපේ රටේ ජනතාවට කතා කිරීමේ නිදහසක් නෑ

අද අපේ රටේ ජනතාවට කතා කිරීමේ නිදහසක් නෑ
සරත් ෆොන්සේකා

zමේ රටේ ජනතාවට හෙට දවස පිළිබද අවිනිශ්චිත තත්ත්වයක් ඇතිවෙලා තියනවා.රටේ ජනගහනයෙන් සියයට අනූ පහක්ම (95%) අද ජීවත් වෙන්නේ කළකිරීමෙන් යුතුවයි.ජනතාවගේ සියලූ බලාපොරොත්තු බි`ද වැටිලා.දේශපාලඥයින් ජනතාව රවටලා රවටලා ජනතාවට දේශපාලඥයන් එපා වෙන තැනට ඇවිල්ලා ජනතාවගේ සුබසාධනය ජනතා අවශ්‍යතා ගැන මේ රට පාලනය කරන පාලකයින්ට කිසිම හැ`ගීමක් නැහැ.වර්ථමානයේ මේ තත්ත්වය උච්චතම අවස්ථාවට පැමිණ ඇතැයි ප්‍රජාතන්ත්‍රවාදී පක්ෂයේ නායක හිටපු යුද හමුදාපති සරත් ෆොන්සේකා මහතා පසුගිය (10) දා මතුගම ගල්වත්ත මංසන්ධියේ පැවති ජනහමුවක් අමතමින් කීවේය.
ප්‍රජාතන්ත්‍රවාදී පක්ෂයේ මතුගම ප්‍රධාන සංවිධායක අනුර පොල්වත්ත මහතා සංවිධානය කළ මෙම ජන හමුව අමතා  සරත් ෆොන්සේකා මහතා මෙසේද කීවේය.
zප්‍රබල දේශපාලන පක්ෂ සමග එකතු වෙලා දේශපාලනයට ආවොත් අපටත් සිදු වන්නේ ජනතාවට බොරු කියලා රවට්ටන්න.ඒක අපට කරන්න බැරි නිසයි අලූත් පක්ෂයක් හදලා නැවුම් ගමනක් ආරම්භ කළේ.අපේ වේදිකාවේ ප්‍රබලයො නැහැ.සාමාන්‍ය ජනතාව සමග ජීවත් වෙන පිරිසකුයි අපේ වේදිකාවේ ඉන්නේ.ඒ අයට රටේ සාමාන්‍ය ජනතාවගේ සිතුම් පැතුම් තේරෙනවා.ඒක ඒ අයට තේරුම් ගන්න බැරි වුණොත් ඒ අයටත් පැවැත්මක් නැහැ.
zඅද මේ රටේ ජනතාවට කතා කිරීමේ නිදහස නැහැ.රැස්වීමක් තිබීමේ නිදහස නැහැ.මාධ්‍ය නිදහස නැහැ.මේ සියල්ලේම එකතුව ප්‍රජාතන්ත්‍රවාදය ඒක අද මේ ජනතාවට නැහැ.ඒක ලබාදීම සදහායි අපි මේ අලූත් බලවේගය ගොඩනගන්නේ.ඒ සදහා අපි ඕනෑම කැපකිරීමකට සූදානම්.අපි මේ ඉදිරියට තැබූ පය ආපහු ගන්නේ නැහැ.තව අවුරුදු 10-15ක් හිරගෙවල්වල දැම්මත්,බොරු චෝදනා දාලා මොනතරම් උසාවි ගානේ අරන් ගියත්,කවදාවත් මේ ගමන නතර කරන්නේ නැහැ.
අද මේ රටේ ජනතාවගේ ජීවිත මේ තරම් දුෂ්කර තත්ත්වයකට වැටිලා තියෙන්නේ මේ රටේ පාලකයින්ගේ නොමනා හැසිරීම් නිසයි.අද මේ රටේ බොහෝ ජනතාවට කතා කරන්න බැහැ.කතා කළොත් ව්‍යාපාර අඩාල කරනවා.හිර ගෙවල් වලට දැලා හිර කරන තත්ත්වයක් අද ඇති වෙලා තියනවා.
මට පාර්ලිමේන්තුවේ හිටපු ටික කාලෙදීමට ඇහිලා තියනවා සමහර මැති ඇමතිවරු කියනවා අපි නම් අපේ එවුන් ගම්වල අන්දගෙන ඉවරයි කියලා.ඔවුන්ගේ වත්තෙන් කොස් ගෙඩියක්,දෙල් ගෙඩියක් කාලා ජීවත් වෙනවා.මේ රටේ දුෂිත පාලකයෝ හිතාගෙන ඉන්නේ මේ රටේ ජනතාව හැමදාම මේ විදිහට ජීවත් වුණාම ඇති කියලයි.ඇමෙරිකාවේ ජනාධිපතිව නඩත්තු කරන්න වියදම් කරන්නේ අපේ රටේ පාලකයව නඩත්තු කරන මුදලින් හතරෙන් එකකටත් අඩු මුදලකුයි.ඇමෙරිකාවේ ජනාධිපතිටත් නැති තරම් ආරක්ෂක භටයෝ,පොලීසිය යුද්ධයක් නැති අපේ රටේ පාලකයට දාලා තියනවා.යුද්ධය අවසන් කළ මට ඉන්නේ පොලිසියෙන් දාහත් (17) දෙනෙක් විතරයි.වර්ෂයකට කෝටි අටසිය පනහක් (850) රටේ ාපලකයගේ නඩත්තුවට වැය වෙනවා.දවසකට ලක්ෂ දෙසිය පනහයි.නමුත් ලෝකේ මොනම රටකවත් මේ තරම් විශාල මුදලක් වැය කරන්නේ නැහැ.

අධිවේගී මගේ අමාරුවේ වැටුණු මගීන්ට පොලීසියෙන් කෙනෙහිලි

කොළඹ කටුනායක අධිවේගී මගේ ධාවනය වූ බස් රථයක හදිසි ගිනි ගැනීම හේතුවෙන් ජීවිතාරක්ෂාව පතා බසයෙන් බැස පැමිණි මගීන්ට අධිවේගී මාර්ගයේ පයින් පැමිණි බවට චෝදනා කරමින් පොලිස් නිලධාරීන් පැය භාගයක පමණ කාලයක් ර`දවාගෙන ප්‍රශ්න කිරීම නිසා මගීහු දැඩි අපහසුතාවකට පත් වූහ.
කොළඹ කටුනායක අධිවේගී මාර්ගය ඔස්සේ ධාවනය වූ ලංකා ගමනා ගමන මණ්ඩලයට අයත් බස් රථයක් ඊයේ (17) උදෑසන මෙලෙස හදිසි ගිනි ගැනීමට ලක්ව ඇත.
අධිවේගී මාර්ගය හරහා ෑලියගොඩ පිටවුමෙන් කොළඹට ඇතුළු වීමට කිලෝමීටරයක පමණ දුරක් තිබියදී බස් රථයේ හදිසි ගිනි ගැනීම් තත්්තවයක් ඇතිව ඇතැයි බස් රථයේ රියදුරා කළ දැනුම් දීමකට අනුව මගීහු සියලූ දෙනා ඉක්මනින් බස් රථයෙන් බැස තිබේ.
මෙම බස් රථයේ පිටුපස දොර භාවිතා කළ නොහැකි ආකාරයට මගීන් සදහා අසුනක් සවි කර තිබීම නිසා මගීන්ට බසයට ගොඩවීමටත් බැසීමටත් තිබී ඇත්තේ ඉදිරිපස දොර පමණි.මේ නිසා හදිසි තත්ත්වයක් ඇති වුවත් බසයෙන් බැස ගැනීමට නොහැකිව බස් රථයේ දොරටුව අසල තදබදයක් ඇති වූ බව මගීහු පවසති.