පාතාලයාගේ මරණය අසා රත්නපුර මැණික් වෙළෙන්දෝ රතිඤ්ඤා පත්තු කරති

පාතාලයාගේ මරණය අසා රත්නපුර මැණික් වෙළෙන්දෝ රතිඤ්ඤා පත්තු කරති

රත්නපුරේ මැණික් ව්‍යාපාරිකයකු ඝාතනය කිරීම සම්බන්ධව අත් අඩංගුවට ගෙන සිටිය දී පොලිස් වෙඩි පහරකින් පාලංකඩ හීන් මල්ලි හෙවත් සුගත් චමින්ද මරණයට පත් වූ බව ආරංචි වීමෙන් රත්නපුර මැණික් කොටුවේ මැණික් වෙළෙන්දෝ රතිඤ්ඤා පත්තු කළහ.
මීට සති තුනකට පෙර දී සිදු වූ රත්නපුර මලංගම මැණික් ව්‍යාපාරිකයාගේ ඝාතනයෙන් රත්නපුර ප්‍රදේශයේ මැණික් වෙළෙන්දෝ කැළඹීමට පත්ව සිටියහ.
එම ඝාතනය ගැන පරීඬණ පැවැත් වූ විශේෂ පොලිස් කණ්ඩායමක් විසින් මිය ගිය සැකකරු හා තවත් පුද්ගලයෙක් හික්කඩුවේදී පෙරේදා (10) අත් අඩංගුවට ගනු ලැබූහ.
මැණික් ව්‍යාපාරිකයාගේ ඝාතනයට යොදා ගත් ආයුධ සඟවා ඇති ස්ථානය පෙන්වීමට ගිය අවස්ථාවේදී සැකකරු අත් බෝම්බයක් ගෙන පොලීසියට පහර දීමට තැත් කරද්දී ඔහුට වෙඩි තැබූ බව පොලීසිය කියයි.